Veprat më të mëdha në segmentin e papërfunduar të rrugës së arbrit nga Ura e Çerenecit e deri në fshatin Bllatë, kanë qenë dy urat, ajo mbi zallin e Bulqizës dhe ura mbi lumin Drin. Të dy këto ura janë në proceset e fundit të ndërtimit. Tashmë njëra pret vetëm shtresën përfundimtare të asfaltit dhe sinjalistikën, ndërsa tjetra është në procesin e vendosjes së barrierave metalike anësore.
Përfundimi i këtyre dy urave, iu ka dhënë mundësinë banorëve të fshatit Gjoricë e Poshtme dhe Bllatë që të lëvizin mbi to. Disa nga mjetet, sidomos ato të pasagjerëve përdorin këto dy ura, të cilat e kanë shkuartuar ndjeshëm distancën me qytetin e Bulqizës.
Bndërkaq, burime pranë firmës zbatuese të projektit, bëjnë të ditur se shumë shpejt, do të nisë puna edhe për asfaltimin e traseë në mënyrë që qarkullimi i mjeteve mbi këtë segement të rrugës së arbrit të nisë shpejt dhe njëherësh me përfundim e sinjalistikës edhe mbi 2 urat.
Një nga urat më të rëndësishme të rrugës së Arbrit drejt përfundimit
Fillojnë përgatitjet për zgjedhjet lokale në Mat, konstituohen KZAZ 16 e 17
Megjithëse opozita nuk ka ndërmarrë deri tani asnjë hap për të qenë pjesë e zgjedhjeve lokale të 30 Qershorit të këtij viti, Komisioni Qëndror i Zgjedhjeve vijon punën për ngritjen e grupeve që do të merren me këtë proces. Kështu këtë të enjte dy përfaqësues të Komisionit Qëndror të Zgjedhjeve, ishin në Burrel e Klos për të bërë kostituimin e Komisioneve Zonale të Administrimit Zgjedhor.
KQZ i është referuar zgjedhjeve të kaluara ku në numrat çift kryetari zgjidhej nga radhët e Partisë Socialiste dhe në numrat tek nga radhët e Partisë Demokratike. Kështu në KZAZ 16 që përfshin Bashkinë Mat, kryetar u zgjodh Roland Kurti me propozim të PS dhe zgjedhjen nga anëtarët Juljana Elezi dhe Erald Ballabani.
Po në këtë mbledhje u zgjodh edhe sekretari i kësaj KZAZ-je, Herion Sena nga radhët e shoqërisë civile. në KZAZ 17 në Klos raportet sipas përfaqësuesve të KQZ janë ndryshe ku kryetari do të zgjidhet nga radhët e shoqërisë civile në mungesë të pjesmarrjes së opozitës.
Kreu i Pd Basha akuzon pjesëtarë të qeverisë për pjesëmarrje në grabitjen e Rinasit
Kreu i partisë demokratike Lulzim Basha ka akuzuar në menyrë të drejtpërdrejtë qeverinë Rama për përfshirje në grabitjen e ditës së djeshme.
“Ngjarja e Rinasit nuk është e vetmja, është pjesë e grabitjeve dhe zhdukjeve në të gjithë Shqipërinë. Grabitjet e armatosura në Rinas, grabitjet e bankave, postave, vrasjet e bankierëve, kanë nisur me ardhjen e Ramës në pushtet. Kjo është rënia e shtetit. U vodhën mbi 10 milionë euro në Aeroportin Ndërkombëtar në Rinas. Përgjegjës për këtë është shteti. Nëse nuk ka siguri, përgjegjës është shteti”, shtoi Basha.
Sipas Bashës, ngjarja mund të ishte parandaluar nëse do të zbatohej urdhri që vetë ministri ka dhënë, i cili thotë që policia të shoqërojë vlerat monetare, por edhe të garantohet nga policia e shtetit edhe shënimi i ngarkesave me para.
“Edi Rama ka shkelur Kushtetutën, duke emëruar Gjeneral Sandër Lleshajn, si kryetar të Këshillit të Aviacionit Civil. Nën drejtimin e Lleshajt, aeroporti i Rinasit është grabitur dy herë”, tha kreu i PD. “Kompania private e sigurimit, që merr 5 euro për çdo qytetar, figuron të jetë në bashkëpronësi të avokatit të Partisë Socialiste, Eno Bushi, i njohur edhe si avokati i Girgio Riformato-s, pilotit italian që u rrëzua me avionin plotë me drogë në vitin 2015. A janë akoma 10 milionë eurot e vjedhura në duart e bandës së shpartalluar. A janë shteti dhe organet e rendit, përgjegjëse për paaftësi, apo kemi të bëjmë me bashkëfajësi dhe madje bashkëorganizim të grabitjes? Shteti i Edi Ramës nuk është vetëm përgjegjës, por edhe i përfshirë në këtë vjedhje. Bashkëpunimi me krimin dhe zotësia për të sajuar skenarë të përbashkët është vërtetuar më shumë se një herë”.
Bllatë, ujrat e zeza në mes të fshatit. Banorët: Ndjehemi të braktisur nga të gjithë
Fshati Bllatë në Njësinë Administrative Maqellar të Dibrës, edhe pse është një fshat Kufitar me Maqedoninë, po përballet me probleme të mëdha. Banorët e këtij fshati shprehen se gjithmonë janë ndjerë të braktisur qoftë nga pushteti vendor e qoftë nga qeveria.
Fakti që fshati ndodhet në kufi, për banorët duhej të ishte ndër më të zhvilluarit qoftë ekonomikisht e qoftë nga ana infrastrukturore. Por sipas tyre, përgjatë gjithët këtyre viteve nuk është vënë dorë në asnjë sektor. Aktualisht ujërat e ndotura rrjedhin përmes fshatit, ujë të pijshëm nuk kanë e gjithashtu as ujë vaditës.
Banorët kërkojnë që të vihet dorë edhe në fshatin e tyre, pasi është një fshat që jo vetëm në të banojnë shumë banorë, por ka edhe resurse të mëdha turistike.
Mblidhen krerët e institucioneve, diskutohet plotësimi i adresarit dhe regjistrimi i tokave bujqësore
Nisma e ndërmarrë për plotësimin e adresarëve të rinj të të gjithë shtetasve shqiptar siduket nuk ka përfunduar. Edhe pse pak muaj më parë u mbyll procesi i verifikimit të adresave të qytetarëve me kodin 88 999 dhe 000, procesi do të vijojë edhe më tej. Tashmë do të bëhet edhe regjistrimi i të gjitha banesave dhe rrugëve në zonat urbane apo rurale.
Një tjetër problem i nisur dhe i papërfunduar është edhe ai për regjistrimin e tokave bujqësore. Këto ishin dy pikat që u diskutuan në një mbledhje të zhvilluar në zyrën e kryetarit të Bashkisë Mat, Nezir Rizvani, ku të pranishëm ishin Prefekti i Qarkut Dibër, Nexhbedin Shehu, Nënprefekti i Matit, Hasan Pasha, si dhe drejtues të institucioneve që kanë të bëjnë me këto dy çështje.
Prefekti Nexhbedin Shehu tha se nga ky takim u kërkua një angazhim maksimal për përmbylljen e këtyre dy proceseve.
Ndërkohë sipas një vendimi të ri të qeverisë shqiptare, afati për regjistrimin e tokave bujqësore është shtyrë deri me datën 31 Dhjetor të këtij viti.
Gjimnazi “Shaban Çollaku”, Çupa: “Sapo të shpallet fituesi do të propozojmë ambjente të reja”
Financimi i projektit për rikonstruksionin e godinës së gjimnazit “Shaban Çollaku” në Bashkinë e Klosit, ka vënë në lëvizje autoritetet vendore. Kryetari i Bashkisë Klos, Basir Çupa tha se financimi i këtij rikonstruksioni ka ardhur pas këmbënguljes së vazhdueshme ndaj Ministrisë së Arsimit Sporteve dhe Rinisë, të bërë nga ana e Bashkisë.
Po ashtu Çupa falenderoi edhe mediat e veçanërisht Mat Televizion i cili e ka ndjekur në mënyrë të vazhdueshme këtë shqetësim. Nga ana tjetër Kryebashkiaku i Klosit, Basir Çupa u shpreh se sapo të shpallet fituesi i zbatimit të projektit, bashkia do të ofrojë ambjente të tjera për zhvillimin e mësimit në mënyrë që të nisë puna me njëherë me rikonstruksionin e godinës që të jetë e gatshme për vitin e ardhshëm shkollor.
Gjimnazin “Shaban Çollaku” të qytetit të Klosit e frekunetojnë çdo ditë rreth 400 nxënës e mësues, ndërsa prej tre vitesh në anën perëndimore të tij nuk zhvillohet mësim për shkak të lagështirës.
Regjistrimi i tokave, edhe në Gurrë tepron
Ligji 7501 i vitit 1991 në të cilin është bazuar edhe nisma për regjistrimin e tokave Bujqësore, vazhdojnë të ketë problemet e tij. Ndarja e tokës në bazë të këtij ligji sipas numrit të pjestarëve të familjes, ka bërë që shumë toka bujqësore të teprojnë.
Me një situatë të tillë po përballet edhe njësia administrative Gurrë në Bashkinë e Klosit. Specialisti i Bujqësisë në këtë njësi, Ramadan Koçi tha se me daljen e ndryshimeve në ligj, do të rregullohet edhe ky hendek, ku edhe pse ish pronari nuk mund ta marrë tokën nga ligji 7501, ai mund të marrë në përdorim atë.
Rrugat e Arbrit përmbyt banesat në Gjoricë, banorët në protestë
Ndërtimi i trasesë së rrugës së Arbrit në fshatin Gjoricë e Poshtme në Bulqizë ka sjellë edhe pasoja për banorët që jetojnë aty. Për shkak se traseja është ndërtuar mbi fushë, sipas banorëve firma zbatuese e projektit nuk ka parashikuar kullimin e ujërave që mbidhen sidomos kur ka reshje shirash.
Për pasojë i gjithë uji që mbidhet që nga Gjorica e Sipërme, përfundon në banesa në afërsi të rrugës së Arbrit në Gjoricë të Poshtme.
Pikërisht për këtë arsye, dhjetra banorë u ngriën këtë të Mërkurë në protestë, duke bllokuar punimet në rrugën e arbrit. Banorët kërkojnë që të bëhen kanalet kulluese, të vendosen tombino, të ndërtohen mure mbrojtëse, në mënyrë që edhe ata të jenë të sigurtë.
Banorët kërkojnë që të realizohen këto pika, në të kundërt nuk do të lejojnë vazhdimin e punës në fshatin e tyre.
Banorët paralajmëruan vazhdimin e protestës deri në përshkallëzim të saj nëse nuk do të realizohen pikat që kanë kërkuar.
Fshatit piktoresk të Krajkës i janë larguar 80 % e banorëve
Prej tre dekadash zonat rurale vijojnë të braktisen nga banorët për shkaqe nga më të ndryshmet. Por situata shqetësuese është për shkak të braktisjes nga rinia. Këtij fati nuk i ka shpëtuar as fshati piktoresk Krajkë në Njësinë Administrative Zerqan në Bashkinë e Bulqizës.
Pamja e fshatit është vërtetë e trishtueshme teksa sheh banesa të rrënuara, të vjetëruara e mbi të gjitha që në to nuk banon askush. I vetmi banor që takojmë në këtë fshat jo shumë larg rrugës nacionale, është Ibrahim Lela.
Ai na tregon se si mungesa e vëmendjes nga qeveritë dhe pushteti vendor i ka detyruar banorët të largohen në mënyrë të vazhdueshme. Sipas tij, fshati tashmë ka marrë një pamje të frikshme, sikur banesat e rrënuara të përpijnë.
“Banorët janë larguar vazhdimisht që nga viti 1990. Dikur këtu banonin rreth 500 banorë, ndërsa sot janë apo nuk janë rreth 100. Arsyet janë të shumta, pasi nga qeveria apo bashkia nuk është bërë asgjë në këto vite, rrugët janë si mos më keq, uji i pijshëm mungon e po ashtu edhe ai vaditës. Arsyeja kryesore është mungesa e punës për rininë e cila është detyruar të marrë rrugët e emigracionit, ose të shpërngulet në qytetet e mëdha si Tiranë e Durrës” – tha Lela.
Sipas banorit Ibrahim Lela, dikur fshati banohej nga rreth 500 banorë, ndërsa sot ka më pak se 100.
Grabitja spektakolare/. Admir Murataj është personi i vrarë ditën e djeshme
Grabitja e rradhës në Rinas ka rezultuar fatale kësaj rradhe për Admir Murataj. Ditën e sotme gruaja e tij ka konfirmuar që trupi i vrarë dje nga forcat e FNSH i përket burrit të saj. Murataj dyshohet se ka qënë pjesmarrjes në 5 grabitjet e ndodhura në Rinas. Ai është i arratisur nga burgu i Trikallas në Greqi dhe ishte një person në kërkim. Admir Murataj njihej me nofkën “padrino” dhe ishte një personazh i cili impononte frikë dhe respekt në bandën e tij. Top Story disa javë më parë e bëri personazh mediatik duke e cilësuar kokën e grupit kriminal. Siç raportohet në disa media, presidenti Ilir Meta kishte zbritur në Rinas vetëm 10 minuta para grabitjes, nga i njëjti avion që u grabit.
Gjithashtu edhe Edi Rama më vonë është nisur drejt Monakos. Po ashtu ish kryeprokurori Adriatik Llalla ka qënë një ndër personat e pranishëm në bordin e Austrian Airlines në momentin që ndodhi grabitja.