Segmenti i rrugës nacionale Qaf Buall – Klos në fshatin Kloskatund vijon të jetë në gjendje të degraduar. Ndonëse është ndërhyrë disa herë për riparimin e tij, situata mbetet shqetësuese për drejtuesit e automjeteve. Këta të fundit shprehen se e kanë të vështirë të kalojnë në këtë segment rruge si pasojë e gungave të krijuara në asfalt që janë krijuar si rezultat i deformimit të karrexhatës. Siç duket nga pamjet, gungat dhe kanalet e krijuara në këtë pjesë rruge janë të shumta dhe pikërisht në pjesët ku është bërë riparimi i tyre të paktën tri herë. Drejtuesit e mjeteve fajësojnë kompaninë që ka ndërhyrë e cila sipas tyre nuk i ka bërë punimet cilësore por sa për të kaluar radhën. “Duke qenë se trafiku tashmë ëhstë zhvendosur në rrugën e Arbrit, rruga e vjetër mbetet jashtë vëmendjes së autoriteteve edhe pse janë dhënë qindra milion lekë për mirëmbajtje” – thanë ndër të tjera drejtuesit e automjeteve.

Aksi rrugor Klos – Qaf Buall përdoret më së shumti nga banorët e fshatrave të Klosit por edhe drejtues të tjerë mjetesh që lëvizin në drejtim të peshkopoisë. Ai është pjesë e segmentit Skuraj – Peshkopi dhe mirëmbahet nga kontrata B e rajonit qëndror e verilindor të Autoritetit Rrugor Shqiptar.

Një aksident me pasojë fatale është regjistruar në Mat. Ende nuk dihen shkaqet e daljes nga rruga të një automjeti në aksin Burrel-Komsi, por sipas raportimeve të Policisë, drejtuesi ka humbur jetën.
Njoftimi i Policisë

Rreth orës 21:40, në aksin rrugor Burrel-Komsi, shtetasi E.B., 41 vjeç, duke drejtuar një motomjet, dyshohet se ka humbur kontrollin dhe për pasojë motomjeti ka dalë nga rruga. Si pasojë, drejtuesi ka ndërruar jetë në spital.

Grupi hetimor, nën drejtimin e Prokurorisë, po vijon punën për të zbardhur shkaqet dhe rrethanat e aksidentit.

Pak javë më parë, me datë 17 Mars, dhjetra banorë të Mirditës, Matit dhe Dibrës u mblodhën në protestë në vendin e quajtur “Livadhi i turkut” për rrugën e papërfunduar Perlat – Lurë, një projekt që duhej të ishte mbyllur muaj më parë. Ndërkohë, burime për “Mat Televizion” shprehen se pas kësaj proteste, autoritetet kontraktore i kanë hequr kontratën kompanisë fituese “Arifaj” sh.p.k, e cila nuk ka mbyllur punimet në afatin e përcaktuar. Po të njëjtat burime, bëjnë me dije se kjo kontratë i është kaluar një tjetër kompanie për të mbyllur pjesën e fundit të punimeve ku përfshihet edhe shtrimi me asfalt. Por banorët, janë skeptik që kjo gjë do të realizohet, ndaj shprehen se do të vazhdojnë të protestojnë deri sa të shohin se do të nisë seriozisht puna për të përfunduar këtë projekt i cili i jep frymëmarrje jo vetëm fshatrave të Mirditës por edhe Lurës e më gjerë.

Në protestën e 17 Marsit, banorët lajmëruan se protesta e radhës do të mbahet me datë 5 Prill, por kjo mbetet për tu parë nëse do të ketë organizim.

Është zhvilluar të dielën e 30 Marsit ndeshja e javës së 30 e kampionatit të katogorisë së parë në futboll mes Burrelit dhe Flamurtarit të Vlorës është mbyllur pa fitues. Takimi i djeshëm mes këtyre dy skuadrave ishte i treti brenda këtij sezoni ku matjanët kanë fituar ndeshjen e parë të luajtur në Vlorë, ndërsa kanë barazuar 1 me 1 në ndeshjen e dytë të luajtur në Burrel në Nëntor të vitit të kaluar si dhe përballja e një dite më parë është mbyllur në barazim pa gola.

Matjanët zhvilluan një lojë të fortë me sulme të shumta në portën mike por që nuk arritën ta gjejnë rrjetën e portës në asnjë rast. Ndërkohë, miqtë nga Vlora zhvilluan një lojë të dyfishtë, më shumë të fokusuar në mbrojtje dhe me sulme sporadike.

Megjithatë, skuadrat në fund të takimit ndanë nga një pikë secila, që i ka vlejtur më shumë Burrelit. Ndërkohë, ndeshjet e tjera të një dite më parë përfunduan: Besa – Erzeni 2me 0, Pogradeci – Vora 1 me 0, Lushnja – Valbona 4 me 1, Kastrioti – Kukësi 2 me 0 dhe Apolonia – Korabi 3 me 0.

Me gjithë humbjen e një dite më parë, Vora mbetet në krye të kategorisë 4 pikë larg Flamurtarit. Ndërkohë, nuk ka ndryshime as në renditjen e skuadrave të fundit pasi në vend të 11 mbetet Valbona e Tropojës dhe vendin e 12 Erzeni i Shijakut.

Me hapjen e tunelit të Murrizit, rruga e Arbrit u konsiderua e përfunduar. Por në të vërtetë a janë mbyllur përfundimisht punimet në këtë vepër? Gjatë një vëzhgimi të bërë nga fshati Plan i Bardh deri në hyrje të Tiranës, vihet re se sinjalistika vertikale tregon se ka ende punime pasi maksimumi i shpejtësisë së lëvizjes është 40 km në orë. Por ndryshe tregon sinjalistika horizontale, pasi është e gjitha e bardhë. Një tjetër problem i këtij aksi të cilin e ngrejnë shpesh drejtuesit e automjeteve janë edhe hapsirat e parakalimit. Kjo pasi nga fshati Shkallë i Xibrit nga ana e Klosit deri në Tiranë janë vetëm dy segmente për të parakaluar në vendin e quajtur “Zall Maricë” në afërsi të Zall Dajtit. Por si të mos mjaftonin këto, në pjesën që kalon përmes njësisë administrative Xibër, ka edhe probleme të tjera. Roland Hoxha, banorë i fshatit Xibër – Murrize thotë mungojnë vendkalimet për këmbësorët dhe rruga dytësore për të kaluar kafshët.

Një tjetër problem është edhe qarkullimi i mjeteve të tonazhit të rëndë të kompanisë “Gjoka Konstruksion” e cila merr inerte në fshatin Kloskatund të Klosit dhe i dërgon ato pranë impiantit të prodhimit të asfaltit në Zall Dajt të Tiranës.

Më pas në ambjentet e myftinisë Mat mbërriti kandidatja e koalicionit “Aleanca për Shqipërinë Madhështore” Denisa Vata, shoqëruar nga kryetari i PD Klos, Artur Elezi etj. Edhe në këtë vizitë u vendos theksin mbi rolin e mirë që ka feja në përmirësimin e shoqërisë. Përfaqësuesit e Myftinisë falenderuan të pranishmit për vizitën e bërë, ndërsa këta të fundit uruan besimtarët musliman Fiter Bajramin.
Për të gjithë besimtarët musliman, një urim e bëri edhe Myftiu i Matit, Agim Tereziu i cili u shpreh se kjo festë është një ditë reflektimi për të gjithë besimtarët dhe sjell paqe e harmoni kudo.

Në ambjentet e Myftinisë së Matit të parët që mbërritën për vizitë pas faljes së namazit të Fiter Bajramit ishin kandidatët e Partisë Socialiste në Zgjedhjet e 11 Majit, Agron Malaj e Blendi Klosi. Po ashtu, të pranishëm ishin edhe përfaqësues të pushtetit vendor, të institucioneve qëndrore në nivel vendor etj. Ata u pritën nga Myftiu i Matit, Agim Tereziu si dhe stafi i myftinisë Mat. Gjatë kësaj vizite u diskutua mbi rolin e mirë në shoqëri që ka feja islame. Ndërkohë, nga ana e përfaqësuesve të myftinisë u tha se të rinjtë që po e përqafojnë islamin po shtohen, çka rriten shpresat për një shoqëri më të mirë në të ardhmen. Festën e Fiter Bajramit e uruan kandidatët Blendi Klosi e Agron Malaj për të gjithë besimtarët e Matit.

Besimtarët musliman në të gjithë botën kremtuan këtë të dielë një nga festat më të rëndësishme të besimit islam Fiter Bajramin i cili vjen pas një muaji agjërimi të Ramazanit.
Besimtarët u mblodhën në xhami mëngjesin e së dielës ku kryen ritin e faljes së namazit të Fiter Bajramit apo siç njihet ndryshe Bajrami i Madh.
Edhe në xhamitë e Matit u zhvillua riti i faljes ku morën pjesë të rinjë e të reja, burra e gra.
Festa e Fiter Bajramit vjen direkt pas përfundimit të muajit Ramazan, dhe simbolizon gëzim pas kryerjes së obligimit të agjërimit të muajit të madhërishëm të Ramazanit.