Klement Balili në ditën e sotme është vënë para trupës gjykuese për seancën e rradhës. Ndaj Balilit si prova fajësie u rënditen përgjimet telefonike të realizuara nga autoritetet greke në kuadër të një hetimi që po kryhej atje për një organizatë kriminale që trafikonte hashash e kokainë.Prokuroria për Krimet e Rënda ka kërkuar dënimin me 18 vite burg për të akuzuarin. Kujtojmë se më herët Gjykata për Krime të Rënda pranoi kërkesën e Balilit për gjykim të shkurtuar.
Ngjarje tragjike në Pukë, çifti humb jetën nga zjarri
Ngjarje e rendë ajo që ka ndodhur në Pukë ku një shtëpi është përfshirë nga zjarri duke shkaktuar dy të vdekur
Sipas informacioneve, shtetasi P.N. 46 vjeç dhe bashkëshortja D.N 35 vjeçe kanë humbur jetën, ndërsa kanë arritur të shpëtojnë 4 fëmijët e tyre 11, 12, 13, dhe 15 vjeç.
Fëmijët janë transportuar në spital me dëmtime të lehta por të shokuar nga ngjarja.
Sipas analizës paraprake, dyshohet se shkaku mund të jetë një shkëndijë elektrike, por grupi hetimor ende po vijon veprimet për përcaktimin e ngjarjes.
Javë intensive e policisë vendore të Dibrës.
Strukturat e D.V.P.Dibër procedojnë penalisht 14 shtetas, konkretisht 3 të arrestuar dhe 9 të proceduar penalisht në gjendje të lirë dhe 2 shtetas të kapur nga kërkimi për vepra të ndryshme penale.
Janë kapur 2 persona në kërkim për veprat penale “Goditje përshkak të detyrës”, “Plagosje e lehtë me dashje”.
Janë arrestuar 3 drejtues mjetesh për shkelje të rregullave të qarkullimit rrugor.
Është proceduar penalisht në gjendje të lirë 1 shtetas për zjarrvënie në pyje dhe kullota.
Është proceduar penalisht në gjendje të lirë 1 shtetas për ndërtim pa leje.
Gjstë javës që kaloi Drejtori i D.V.P, Dibër Drejtues E. Tarkaj, prezantoi para punonjësve të policisë dy shefat e rinj që do të marrin nën drejtim Komisariatin e Policisë Dibër dhe Mat.
Drejtori shprehu besimin se keto ndryshime do ti japin një impuls të ri punës për parandalimin dhe goditjen e paligjshmërisë.
Punonjësit e Komisariateve të Policisë Dibër, Bulqizë dhe Mat, kanë vijuar takimet sensibilizuese në shkollat 9-vjeçare, për zbatimin e programit “Edukimi, ndërgjegjësimi dhe reduktimi i kërkesës për drogë dhe substancave të tjera të rrezikshme”.
Qëllimi : Të bashkëbisedojmë, informojmë dhe ndërgjegjësojmë nxënësit mbi pasojat negative në shëndet , familje dhe shoqëri, që vijnë si pasojë e përdorimit të drogës, duhanit dhe alkoolit.
D.V.P. Dibër fton qytetarët të denoncojnë rastet e paligjshmërisë në nr falas 112 të Policisë së Shtetit, duke garantuar anonimatin si dhe një reagim të shpejtë dhe profesional të Policisë.
Burreli mund Velecikun me rezultatin e ngushte 1-0
Ndryshe nga ndeshja e kaluar mes Burrelit dhe Veleçikut të Koplikut e cila pati një goleadë, ndeshja e të shtunës pati vetëm një gol dhe disa raste të humbura. Matjanët vinin në këtë ndeshje me 4 mungesa, e megjithatë në minutën e 17 iu jepet një rast ideal, ku Djepaxhia gjendet i vetëm me portierin Vjerdhja, por duke shmangur këtë pengohet nga vetë portieri. Për gjyqtarin kryesor të takimit, Fatjon Xhamalaj ka penallti. Gjuajtja do t’i besohej Kurbneshit i cili nuk gabo dhe shënon golin e vetëm të takimit. Miqtë p[atën një rast të pastër me Tomën i cili ishte i vetëm me Vuksanoviç por ky i fundit nuk lejon topin të prekë rrjetën. Pjesa e parë mbyllet me këto raste. Në pjesën e dytë ndryshoi performanca por jo rezultati. Miqtë u panë më luftarak duke iu afruar disa herë zonës matjane. Megjthatë nuk mundën të vënë në vështirësi portierin Vuksanoviç. Në minutën e 70 janë sërisht vendasit që tentojnë të dyfishojnë rezultatin me Djepaxhinë, por Vjerdha është i vëmendshëm. Në mbyllje të takimit, Lami godet fort nga larg, ndërsa topin e grushton Vuksanoviç. I gjendur aty pranë që në gjuajtje të Lamit, Denis Çokaj çon topin në rrjetë, por për gjyqtarin kryesor ishte në pozicion jashtë loje. Në fushë pati tension, por me ndërhyrjen e zyrtarëve të klubeve respektive, gjithçka u qetësua. Për vonesë të lojës pas këtij rasti, gjyqtari kryesor Xhemalaj ndëshkoi me të kuqe Veliajn, por miqtë nuk patën mundësinë ta shfrytëzonin këtë rast pasi kishte mbetur vetëm një aksion, para se të mbyllej gjithçka Burreli 1 e Veleçiku 0. Për trajnerin Elvis Plori, pesë mungesat kryesore në formacion, vështirësuan pjesën tjetër të skuadrës.
“Nuk kishim atë ekip që patëm në ndeshjen e fundit me Veleçikun. Unë e kisha menduar si ndeshje të vështirë për vetë faktin se kishim plot katër mungesa. Mungonin klojtarët që janë shtylla kurrizore e skuadrës. Lojtarët e rinj që kemi janë të talentuar, por ju mungon eksperienca. Barazimi me Ilirinë dhe humbja në Vorë ndikuan në psikologjinë e ekipit” – tha Plori.
Ndërsa trajneri i Veleçikut Besnik Duli e ka sërisht me gjykimin, i cili sipas tij po dëmton kampionatin.
“Kishim ardhur në Burrel të luajmë futboll, të shprehemi në fushë, pasi jemi ne dhe duhet të jemi ata që kemi komandën e grupit, pavarësisht rezultatit të sotëm. Të dyja skuadrat bënë një lojë mjaft të mirë, Burreli në pjesën e parë dhe ne në pjesën e dytë. Vërejtja ime shkon për gjykimin. Është hera e tretë që ky gjyqtarë na drejton dhe ne pësojmë humbje psikologjike dhe me rezultat. Unë i bëj thirrje FSHF që duke e ditur që janë edhe pesë finale deri në fund, të sjell arbrita më të ndërgjegjshëm dhe professional. Të mos luajnë me djersën e ekipeve gjatë gjithë kampionatit” – tha Duli.
Emisioni poezia budiane.
Në Burrel është mbajtur Festivali i Dytë i Poezisë Mbarëkombëtare “Muza Poetike Budiane”, organizuar nga Klubi i Shkrimtarëve dhe Artistëve “Pjetër Budi” Mat. Erdhën për konkurim poetë nga gjithë kombi shqiptar, këtej dhe andej kufirit, të ftuar, artistë, drejtues të Bashkive Mat e Klos, studiues, historianë, punonjës të arsimit e kulturës, mësues, gazetarë, nxënës të shkollave, qytetarë matjanë dhe shumë adhurues të poezisë shqipe. Me kete rast Mat Tv realizoi nje emision te posaçem.
Drejt zgjidhjes riparimi i digës në Shoshaj, Rizvani: Është miratuar projekti për…
Diga e rezvuarit të Shoshajve në Njësinë Administrative Lis në Bashkinë e Matit, do t’i nënshtrohet një rikonstruksioni për shkak të rrezikut që i kanoset. Mat Tv e ka ngritur në mënyrë të vazhdueshme shqetësimin e banorëve të Shoshajve të cilët kërkonin që të ndërhyhej sa më parë pasi jo vetëm mund të mbeteshin pa vepër vaditëse, por rrezikonte edhe disa banesa. Vetëm një ditë më parë në fletoren zyrtare është botuar financimi i projektit për këtë rezervuar me një vlerë prej rreth 21 milion lekëve të rinj. Kryetari i Bashkisë Mat, Nezir Rizvani tha se ishin depozituar për financim dy projekte rikonstruksion digash, ai i rezervuarit të Shqefnit dhe i Shoshajve, ku është miratuar ky i fundit.
Puna për rikonstruksioni e digës së këtij rezervuari pritet të nisë pas shpalljes së fituesit për zbatimin e projektit.
Ish-deputeti i qarkut Dibër Gjunkshi me deklarata të forta: Olta Xhaçka mbyllet në hotel me…
Xhemal Gjunkshi, ish deputeti i partisë demokratike ka lëshuar deklarata të forta nga studio e Fax News. Ai ka thënë që në Dibër as Edi Rama nuk ka më asnjë gjë në kontroll pasi është Ymer Lala ai që bën ligjin. Ai ka vazhduar më tej duke akuzuar edhe ministren Xhaçka.
Në deklaratën e ti ai tha:
“Është një person që bën ligjin në Dibër, quhet Ymer Lala dhe drejton gjithçka, është një ministre e Mbrojtjes Olta Xhaçka që rri me orë të tëra me të në hotel dhe i tthërrisnin drejtorët një nga një lart. Nuk ka Parti Socialiste, më vjen keq. Edhe socialistët e ndershëm të Dibrës e dinë shumë mirë. Për çfarë mund të shkojmë ne në zgjedhje. Këtij kryeministri i duhet thënë stop, sepse është në gjendje të bëjë çdo lloj pazari në interest ë ruajtjes së pushtetit.
Janë bërë ndryshime në Polici, pse nuk u ndryshuan në në këtë qytet. Janë prej 5 vitesh të njëjtën që e mbollën drogën, e shitën atë dhe bëjnë ligjin. Sot në Dibër nuk drejton Edi Rama, atje ligjin e bën Ymer Lala, kontrollon policinë, gjykatën prokurorinë, askush nuk e pyet Ramën në Dibër”.
Horoskopi i ditës së shtunë
Dashi
Kjo e shtunë do të jetë e mbushur me nervozizëm për shkak të situatës financiare. Ka disa çështje lidhur me shpenzimet që ju shqetësojnë. Ndër të tjera po ngarkoheni shumë me problemet e të tjerëve! Munduni që të argëtoheni pak, pasi në të kundërt rrezikoni që të shpërtheni. Tregoni më shumë kujdes për ndjenjat, mos ngacmoni nervozizmin në sferën sentimentale.
Demi
Hëna do të jetë e pranishme në shenjën tuaj. Do të ndiheni të mbushur me energji, ndaj shfrytëzoheni sa më pozitivisht. Lidhur me dashurinë, do të kërkoni konfirmime dhe siguri, pasi nuk do të kënaqeni më me një raport të mbështetur më shumë te fjalët se sa te faktet. Do të jeni më të fortë se në të kaluarën, kështu që do mund të vendosni se çfarë të bëni.
Binjakët
Gjatë kësaj dite duhet të mundoheni të mbani nën kontroll nervozizmin si dhe të zgjidhni problemet që kanë të bëjnë me dashurinë. Sqaroni situatën në mënyrë që të shmangni përplasjet e forta.
Gaforrja
Parashikohet një ditë rikuperimi në raport me fillimin e javës. Edhe pse mund të doni që të rrini me veten tuaj, mundohuni që të mos mbylleni, përkundrazi përfitoni nga kjo ditë për të përfituar nga raportet ndërpersonale. Mjaft të favorizuara janë udhëtimet.
Luani
Do të jetë një ditë e mbushur me nervozizëm gjatë së cilës do të keni dëshirë për të bërë shumë gjëra dhe për të arritur shumë rezultate. Mundohuni që të relaksoheni dhe të shmangni tensionet. Shqetësimet do të jenë të lidhura kryesisht me situatën financiare, për shkak se ju mungojnë disa para për realizimin e një projekti. Mos e shfryni stresin dhe nervozizmin në fushën sentimentale.
Virgjëresha
Do të ketë një rikuperim të mirë në raport me pjesën tjetër të javës. Nervozizmi po largohet më në fund, duke bërë që të ndiheni më mirë. Megjithatë do të ketë sërish disa probleme lidhur me sferën sentimentale, ndaj mundohuni që të qartësoheni me veten, sidomos nëse jeni të dyjëzuar mes dy historive.
Peshorja
Po mendoni shumë lidhur me punën dhe karrierën, duke lënë pas dore anën sentimentale, të cilës në fakt duhet ti kushtoni më shumë rëndësi. Angazhimet e shumta nuk ju lënë shumë kohë, ndaj duhet të krijoni më shumë hapësirë për veten dhe personat që kanë vërtetë rëndësi për ju.
Akrepi
Do të jeni të tensionuar dhe nervoz, sidomos në dashuri. Ndoshta po mendoni për gabimet që keni bërë në të kaluarën dhe po kërkoni si të hakmerreni, por mund të gaboni. Rigjeni qetësinë dhe mundohuni që të ndryshoni sjellje.
Shigjetari
Kjo është dita kur duhet të ndalni pak, pasi në të kundërt rrezikoni të gaboni. Rishikoni strategjitë dhe projektet për të dalë nga situatat. Në dashuri mund të ketë ndonjë të papritur. Mos nxitoni në marrjen e vendimeve të gabuara.
Bricjapi
Mundohuni që të shihni përpara dhe të mos keni pishman. Kjo është një periudhë e mbushur me ndryshime, lidhur me situata vendimtare, sentimentale dhe profesionale. Mund të bëhet fjalë për zgjedhje që keni bërë, por mjafton që të mendoni për të kaluarën dhe ka ardhur momenti për të jetuar në mënyrë më pozitive.
Ujori
Mundohuni që të shikoni përpara dhe të mos keni pengje, pasi kjo është një periudhë e mbushur me ndryshime, lidhur me situatën profesionale apo sentimentale, shkruan noa.al. Ndonjëherë bëhet fjalë për zgjedhje që keni bërë, ka ardhur momenti për të menduar në mënyrë pozitive.
Peshqit
Duhet të ndryshoni sjellje lidhur me dashurinë, por mjafton që të mendoni për të kaluarën dhe gjërat e pamundura. Mundohuni që ti shihni njerëzit në një tjetër mënyrë nga ajo që keni bërë në fillim. Do të përjetoni emocione të bukura dhe do e keni më të lehtë që të lini pas pesimizmin
Kategoria e Parë. Burreli pret nesër Veleçikun në sfiden e rradhës të mbijetesës
Ekipi i Futbollit “Burreli” do të presë nesër në “Liri Ballabani” ekipin e Veleçikut të Koplikut. Matjanët vijnë në këtë ndeshje pas humbjes së një jave më parë në transfertë ndaj Vorës ku u mund me rezultatin 1 me 0 për vendasit. Megjithatë, mësohet se pas analizës së zhvilluar në fillim të javës, djemtë janë motivuar për të fituar në shtëpi. Të kontaktuar nga Mat Tv, drejtues të klubit të futbollit Burreli, thanë se gara po vështirësohet dhe se nuk do të lejohet asnjë gabim të paktën në ndeshjet që do të luhen brenda në shtëpi. Kjo ndeshje do të luhet pa praninë e tifozëve të cilët janë dënuar për ndeshjen e fundit luajtur tre javë më parë ndaj “Ilirisë” së Fushë-Krujës, nga komisioni i disiplinës për hedhje të sendeve të forta në fushën e lojës. Gjithsesi, burime nga klubi mësohet se Administratori Demir Çupi iu ka kërkuar fitore ekipit me çdo kusht, në të kundërt do të ketë penalizime për të gjithë skuadrën bashkë me stafin teknik. Ndeshja mes Burrelit dhe Veleçikut do të zhvillohet nesër në orën 16:00.