Ekipi i futbollit Burreli do ta nisë fazën e tretë të këtij kampionati në transfertë. Matjanët do të përballen me 10 Prill me ekipin e Vorës, ndërsa Korabi do të presë në Peshkopi ekipin e Dinamos.
Një javë më vonë Burreli pret në “Liri Ballabani” ekipin e Korabit të Dibrës, ndërsa Dinamo do të luajë kundër Vorës. Në javën e tretë matjanët luajnë në transfertë ndaj Dinamos, ndërsa Korabi pret në shtëpi Vorën.
Në javën e katërt Burreli pret Vorën, ndërsa Dinamo luan kundër Korabit në Tiranë. Java e pestë përball Korabin me Burrelin në Peshkopi dhe Vorën me Dinamon në Tiranë.
Në javën e fundit të këtij kampionati Burreli pret në “Liri Ballabani” ekipin e Dinamos, ndërsa Vora pret Korabin e Dibrës.
Tre pretendetët e grupit A pritet të kenë një rivalitet të fortë për të dalë në superligë pasi diferenca e pikëve mes tyre është shumë e vogël. Për të zbuluar se cili ekip do të prekë superligën sezonin e ardhshëm duhet të presim edhe 6 javë.
