Drejtuesi politik i zyrtarizuar tashmë nga Partia Demokratike për Qarkun Dibër, Xhelal Mziu ka nisur takimet me bazën e kësaj force politike. I shoqëruar nga Nënkryetari i PD, Edi Paloka, Mziu u prezantua në strukturat drejtuese në Bashkinë e Dibrës, duke i hapur rrugë tashmë nisjes së fushatës elektorale në këtë Qark. Ish kryebashkiaku i Kamzës tha se me angazhimin e tij dhe strukturave të PD në këtë Qark, PS nuk do të ketë asnjë shans në zgjedhjet e 25 Prillit për tjetërsimin e votës apo vullnetit qytetar.
Mziu i qëndron bindjes se Partia që ai përfaqëson dhe koalicioni do të marrin 4 mandate në këtë qark.
Drejtuesi Politik i PD për Qarkun Dibër zhvilloi takimet dhe prezantimin edhe me strukturat e kësaj force politike në Bulqizë e Mat.
