Ka rënë ndjeshëm numri i infektimeve të reja me Covid-19 në Dibër. Aktualisht në këtë bashki janë vetëm 29 të infektuar aktiv me koronavirus. Këtë e konfirmon Drejtoresha e Njësisë Vendore të Kujdesit Shëndetësor në Dibër, Brunilda Lusha. Sipas saj, në ditët e fundit është vënë re një ulje e madhe e infektimeve, duke bërë që të zbulohen një ose 2 raste ditore.
Nga ana tjetër, sipas Drejtoreshës së Njësisë Vendore të Kujdesit Shëndetësor në Dibër, Brunilda Lusha, numri i qytetarëve që kërkojnë të bëjnë vaksinën po vjen në rritje, kryesisht tek moshat e reja, ndërsa mosha e tretë po paraqitet për të bërë dozën e tretë të vaksinës antiCovid.
Në të gjithë Qarkun Dibër, aktualisht numri i qytetarëve të infektuar aktiv me Covid-19 është rreth 70, duke bërë që të jetë qarku i vetëm në shkallë vendi që ka më pak se 100 të infektuar aktiv
