Megjithëse është trajtuar disa herë publikisht si problem, deri tani nuk është marrë asnjë masë për parandalimin e dëmtimit të rrugës nacionale Klos – Burrel në fshatin Suç. Shpella e krijuar si pasojë e ujërave të shiut që vijnë nga fshati Suç për në lumin Mat, po zgjerohet akoma në shumë, duke rritur rrezikun e dëmtimit të të gjithë trasesë së rrugës.
Këto janë pamjet e zgavrës së krijuar nën rrugë e cila mund të shikohet vetëm nëse zbret poshtë ose nga fshati Dom.
Shtresat e shkëmbit prej shtufi sa vijnë e dëmtohen si pasojë e ujit të vazhdueshëm që rrjedh nga sipërfaqja. Ndërkohë, dëmtimi ka arritur deri tek shtresa asfaltike dhe disa nga shtyllat mbajtëse të
Specialistët thonë se nëse nuk ndërhyhet për forcimin e anës së poshtme të rrugës dhe eleminimin total të ujërave sipërfaqësor, atëherë rruga rrezikon të shembet e të dalë jashtë funksionit. Për shkak se në këtë aks rrugor qarkullojnë edhe mjete të tonazhit të rëndë, rreziku i dëmtimit është potencial.
