Pas një përlasje me armë zjarri me pronarin e hotelit, reperi i njohur Ervin Selita, i njohur me emrin e artit Vinz, ka dhënë dëshminë e tij në policinë e Tiranës.

Sipas burimeve të ABC , 30-vjeçari në dëshminë e tij është shprehur se është klient i rregullt i hotelit ndaj ishte i mërzitur që i kishin kërkuar kartën e identitetit.

Ai po ashtu ka shtuar se ka qënë nën efektin e alkolit kur ka ndodhur ngjarja.

“Jetoj afër hotelit dhe i njoh mire se jam klient i rregullt. Fakti që me kërkuan kartë identiteti më mërziti se ata me njihnin. Isha i dehur kur ndodhi ngjarja”, ka thënë 30-vjeçari.

Zbulohen detaje të reja në lidhje me identitetin dhe veprimtarinë e 30-vjeçarit Ervin Selita, i cili pas një konflikti me recepsionisti në një hotel në Tiranë, ka tentuar të vrasë me armë zjarri pronarin e saj. Mësohet se Ervin Selita, është reper, pjesë e grupit shqiptar në Londër “Hellbanianz”. Ai njihet me artistikisht me emrin “Vinz”.

Selita ka lindur në Burrel, ndërsa jeton në Britani. Karrierën e nisi atje, në bashkëpunim me të tjerë shqiptarë dhe reperë të huaj.


Vinz ka në repertorin e tij dhjetëra këngë, nga ku spikaten “My Shqipez”; “Nuk ka Dashni”; dhe kënga e tij më e fundit, një bashkëpunim me Stealth, që është publikuar 2 shkurtin e 2022, e titullohet “Poppin Smoke”.

Çmimi i karburanteve e kryesisht i naftës po vijon të rritet. Pas një periudhe të shkurtër që nuk pati lëvizje, ditët e fundit vihet re një rritje me 8 deri në 10 lekë për litër, duke bërë që çmimi t’i afrohet 200 lekë për litër. Por ndonëse shqetësimi duket se është vetëm për ata që kanë mjete apo përdorin mjete, një tjetër kategori që preket është edhe bujqësia. Për banorët e luginës së Matit, rritja e çmimit të naftës do të thotë rritje të sipërfaqes së tokës e papunueshme. Gjok Menga shprehet se sikur të mos mjaftonte mungesa e rinisë për tu marrë me tokën, por edhe rritja e çmimit të naftës. Sipas tij, këtë vit pritet që sipërfaqja e tokës djerr do të jetë më e madhe se ajo e vitit të kaluar, pasi rritja e karburantit ndikon direkt në rritjen e kostos së proceseve të punës.

Ndryshe nga viti i kaluar, këtë vit Ministria e Bujqësisë dhe Zhvillimit Rural nuk ka bërë të ditur ende financim pë rata që duan të kultivojnë tokën e tyre, duke i mbështetur me skemën e naftës falas. Nëse ky process do të ndërpritet këtë vit, atëherë shumë pak mund të guxojnë të mbjellin tokat në këtë pranverë që po vjen.

Dy persona kanë humbur gjurmët në harkun kohor të afro një muaji në Dibër e Bulqizë. Rasti i parë ishte ai i Tofik Xhika nga fshati Fush Alije i Bashkisë Dibër. Me datë 26 Dhjetor të vitit të kaluar ai kishte dalë për të peshkuar në lumin Drin i Zi por nuk u kthye kurrë në banesë, duke hedhur dyshimet se ai mund të ishte mbytur në lum.

Për ditë me radhë kërkuan familjarët pothuajse të gjithë vijën lumore nga fshati Fushë Alije e deri në Skavicë, por pa mundur ta gjejnë atë. Edhe kërkimet e repartit të polumbarëve të forcave RENE rezultuan pa sukses. Ata kryen zhytje në zonën ku mendohej të ishte mbytur Xhika, por nuk gjetën asnjë shenjë të tij në ujë.

Në mesin e muajit Janar të këtij viti, 80 vjeçari Sadik Xheka nga fshati Gjuras i Shpenzës në Bulqizë rezulton i zhdukur. Me datë 15 Janar ai është larguar nga banesa dhe nuk është kthyer ende. Familjarët kanë treguar se 80 vjeçari vuante nga skleroza, ndaj nuk dihet se ku mund të ketë shkuar. Edhe në këtë rast pati një angazhim të familjarëve e të afërme, por pamundur ta gjejnë atë. Për të dy këto raste autoritetet policore tashmë i kanë të regjistruar si të zhdukur. Nga ana tjetër familjet e të dy personave kërkojnë një tjetër angazhim të instancave përgjegjëse për të kërkuar të afërmit e tyre.