Tashmë ka përfunduar i gjithë procesi i rikonstruksionit total të pllakave në sheshin “Demokracia” të qytetit të Burrelit. 5 mijë metra katror pllaka janë zëvendësuar nga specialistët e Drejtorisë së Shërbimeve në Bashkinë Mat. ndërkohë tashmë një problem në qytet mbetet sinjalistika horizontale e cila mungon në të gjitha rrugët.
Për këtë zëvendëskryetarja e Bashkisë Mat, Anjeza Shema, thotë se është pritur përfundimi i rikonstruksionit të sheshit, i cili do të përfshihet në sinjalistikën horizontale. Tashmë që sinjalistika vertikale është vendosur, sipas Shemës, me përmirësimin e kushteve të motit, do të bëhet sinjalistika horizontale si dhe do të ndërtohen pengesat e shpejtësisë në disa rrugë.
Pas përfundimit të sinjalistikës horizontale, disa nga rrugët që janë përdorur deri tani me dy sense lëvizjeje, do të kufizohen, me ndërhyrjen edhe të policisë rrugore.
