Nga kjo e hënë kanë nisur regjistrimet e nxënësve në shkolla në të gjitha niveleve studimore parauniversitare nga klasa e parë deri në të 12-tën. Ndonëse është dita e parë në gjimnazin “Pjetër Budi” të qytetit të Burrelit është vënë re një fluks nxënësish të cilët po regjistrohen në vitin e parë të gjimnazit. Zëvendës drejtori i këtij gjimnazi, Nezir Kolaveri tha se gjimnazi “Pjetër Budi” në Burrel ofron të gjitha kushtet optimale për zhvillimin e një procesi mësimor edukativ bashkëkohor.
Nga ana tjetër, Kolaveri tha se gjimnazi i cili ka një histori 60 vjeçare ka treguar ndër vite se ka nxjerrë nxënës ekselent të cilët tashmë janë kuadro në çdo fushë.
Regjistrimet në shkolla do të zgjasin deri me datë 13 Shtator ndërsa viti i ri shkollor do të nisë me 16 Shtator.
