Nis puna për sinjalistikën horizontale të qytetit të Burrelit

Pas ndërtimit të pengesave në disa rrugë të qytetit të Burrelit dhe përmirësimit të motit, firma zbatuese e projektit për sinjalistikën vertikale e horizontale ka nisur nga puna për vijëzimin e rrugëve.
Puna ka nisur që të enjten pasdite ku fillimisht janë bërë vijat e bardha për këmbësorët. Ndërkohë më pas është kaluar edhe për vijëzimin e parkimeve në sheshin “Demokracia”.
Puna ka vijuar edhe gjatë gjithë ditës së sotme ku janë bërë në shumë vende vijat e bardha për këmbësorët. Drejtues të punimeve thanë se tashmë janë kushtet optimale për të plotësuar zbatimin e projektit i cili ka nisur fillimisht me sinjalistikën vertikale.
Gjithashtu, duke qenë se puna nuk mbaron këtë të Premte, ata kërkuan edhe njëherë mirëkuptimin e qytetarëve për të lënë parkimet e boshatisura në mënyrë që specialistët të kenë mundësi të punojnë pa ndërprerje.
Në të gjitha rrugët ku është punar, trafiku është devijuar nga policia bashkiake dhe ajo e rendit.