Mat Televizion ka qenë gjithmonë një media në zhvillim duke iu përshtatur fjalës së fundit të teknologjisë. E tashmë risitë nuk kanë të ndalur, Mat Televizion shkon pranë audiencës edhe jashtë kufijëve territorial.
Pas transmetimit të lajmeve direkt edhe në rrjetin social Facebook i cili numëron mijëra ndjekës, të rejat më të fundit nga Mati, Qarku Dibër e më gjerë do t’i gjeni edhe në ëebsajtin zyrtar të lançuar prej pak ditësh, mattv.al.
Nëpërmjet rubrikave Aktualitet, Sociale, Politikë, Kulturë, Emisione dhe Sport, ju ofrohet informacioni i nevojshëm me të rejat më të fundit.
Gjithashtu në gamën e gjerë të rubrikave, ju mund të bëheni pjesë duke dërguar foto të shkrepura nga ju, të cilat më pas do të përzgjidhen e publikohen me emrin tuaj.
Nëpërmjet websajtit tonë mattv.al, ju mund të informoheni nga kopjuteri i zyrës tuaj ose në çdo telefon celular smartfon, kudo që ndodheni.
