Pasojat e hedhjes së mbeturinave pa kriter në zonat rurale, janë më të evidentueshme në shtetërit e përrenjëve apo lumenjëve. Në një situatë të ngjashme ndodhet edhe shtrati i Lumit të Matit që nga ura e Fshatit Fshat deri në hyrje të liqenit të Ulzës.
Siç duket nga pamjet, mbeturina nga më të ndryshmet kanë ngecur në bimësinë e shtratit të lumit kur ky i fundit ka patur prurje të mëdha gjatë shirave të vjeshtës apo dimrit.
Mbetjet janë kryesisht plastike që nga plastmasët e deri tek veshjet e ndryshme. Një pjesë e këtyre mbeturinave të hedhura nga banorët e zonave rurale prej vitesh, janë ndaluar nga bimësia, e një pjesë tjetër ka përfunduar në ujërat e liqenit në Ulzës.
Kjo është evidentuar disa herë teksa kur ka reshje të shumta shiu, sipërfaqja e liqenit të Ulzës e kryesisht pjesë pranë digës së hidrocentralit mbushet me bidona plastikë të produkteve të ndryshme.
Ministria e Mjedisit dhe Turizmit pak vite më parë nisi një fushatë të gjerë për pastrimin e shtretërve të lumenjve, por ajo përfshiu vetëm një numër të vogël lumenjsh kryesisht në Shqipërinë e Mesme por nuk u shtri në të gjithë territorin.
Veç dëmit që shkakton ndotja tek gjallesat ujore, një tjetër impakt negativ kjo ndotje ka edhe në turizëm.
