Janë zhvilluar këtë të mërkurë një pjesë e ndeshjeve të javës së 29 të kampionatit të kategorisë së parë në futboll. Skuadra e Burrelit luajti në transfertë ndaj Besës së Kavajës, ndeshje e cila u zhvilluar në fushën e stadiumit “Arena e demave” të kompleksit Partizani në Tiranë.
Takimi, i cili ishte parashikuar i vështirë, nuk prodhoi fitues, ku në fund të dyja skuadrat ndanë nga një pikë. Asnjëri nga ekipet nuk arriti të shënonte në portat kundërshtare, ndërsa loja është shoqëruar me nervozizëm, ç’ka e tregojnë edhe numri i lartë i kartonave të verdhë si dhe një kartoni të kuq. Megjithatë, në fund më të fituar dolën matjanët, të cilët ngushtuan diferencën ndaj skuadrës kavajase. Kjo e fundit gjendet aktualisht në vendin e 3 me 61 pikë, ndërsa Burreli në vendin e katërt me 51 pikë.
Vendi i parë në kategorinë e parë vijon të mbahet nga Vora e ndjekur nga Flamurtari, skuadra të cilat kalojnë automatikisht në kategorinë superiore. Ndërkohë, pa shpresë për t’i mbijetuar rënies në kategorinë e dytë janë ekipi i Valbonës së Tropojës dhe ai i Erzenit të Shijakut të cilët kanë përkatësisht nga 16 dhe 11 pikë.