Burreli-Tomori, finalja e dy vendeve të dyta të Kategroisë së Parë luhet të mërkurën pasdite në stadiumin ‘Tofik Jashari”, qyteti i Shijakut. Një sfidë që pritet me interes, mes dy ekipeve që kanë investuar shumë dhe që në 11-shen e tyre ka shumë lojtarë që kanë luajtur edhe titullarë duke spikatur në elitë, jo shumë vite më parë. “Vipsport.al”, ju sjell situatat më të fundit nga kampet e të dyja ekipeve se si po e përgatisin këtë finale vendimtare…
Këtu Burreli
Matjanët do t’i bëjnë llogaritë me mungesa në këtë duel, ndërsa aktualisht janë të padisponueshëm dy lojtarë. Në formacionin kryesor nuk do të jetë kapiteni Taulant Sefgjinaj (që është i dënuar nga Komisioni i Disiplinës me 8 ndeshje) dhe Uendi Vecaj (për shkak dëmtimi). Të dy kualitete dhe lojtarë që kanë lënë gjurmë në Grupin A me matjanët sigurisht.
Gjithsesi, stafi mjekësor po punon maksimalisht që të paktën të jetë në pankinë më 26 maj sidomos shkodrani Vecaj. Lajmi i mirë është rikthimi i dy mbrojtësve të krahut, Fabio Hasa dhe Mark Doda. Ata nuk luajtën javën e fundit me Dinamon, për shkak të numrit të kartonëve të verdhë. Stafi teknik pohon se gjendja e pjesës tjetër të futbollistëve është mjaft e mirë dhe se optimizmi për ta kaluar këtë sfidë buron në grup. Mbështetja e tifozëve është në shkallën maksimale dhe nuk mungojnë në çdo seancë…
Këtu Tomori
Tomori ka shumë kualitete dhe cilësi dhe kjo mund të jetë një armë që mund t’u vlejë beratasve. Skuadra e Tomorit ka në gjirin e vete shumë lojtarë që kanë luajtur në elitë, por edhe që kanë luajtur së bashku në ekipe të ndryshme.
Nga ana e Bashkisë së Beratit dhe donatorit Toto është duke u treguar korrektesë financiare dhe mbështetje me premio, ndërsa suadra është e grumbulluar dhe stërvoitet në Kuçovë, duke u stërvitur në stadiumin e qytetit naftëtar, duke qenë se ka edhe bar natyral, ndryshe nga beratasit që staidumin e tyre e kanë me bar artificial.
Interesimi është në shkallën maksimale, me beratasit që kanë një nga tifozeritë më të zjarrta në vend, ndërsa, në Berat kanë besim se do t’ia dalin të mërkurën…
