Burreli nuk gjen dot fitoren as në shtëpi
Ekipi i futbollit Burreli zhvilloi të shtunën ndeshjen e dytë të këtij kampionati ku përballë kishte ekipin e Tomorit të Beratit. Por ashtu si në ndeshjen ndaj Tërbunit as në këtë takim, djemtë matjan nuk arritën të prekin rrjetën e portës kundërshtare. Kjo ishte ndeshja e parë ky tifozët u rikthyen në shkallët e stadiumin që prej Marsit të vitit 2020. Ndeshja nisi me euforizëm në kampin matjan, por të parët që tentuan rrjetën e portës janë miqtë me Oshafin në minutën e gjashtë, por nuk ka rrezik për portierin Igli Koca. 4 minuta më vonë matjanët kundërpërgjigjen me Kryemadhin i cili godet nga afër me kokë, por portieri mik Haremi është i saktë në pritjen e tij. Loja në vazhdim zhvillohet në mesfushë, pasi asnjëri nga ekipet nuk arriti të gjuajë drejt portës kundërshtare. Megjithatë në minutën e 31 është Andri Stafa që gjuan fort nga larg por topi ndalet në duart e Haremit. Pjesa e parë mbyllet me këto episode, ndërsa ekipet shkojnë në dhomat e zhveshjes.
Pjesa e dytë ishte më aktive nga vendësit, ndërsa miqtë u pozicionuan më shumë në mbrojtje. Mbajtja e portës së paprekur ishte një avantazh për Beratasit, të cilët arritën ta realizojnë deri në minutën e 95. 8 minuta nga fillimi i pjesës së dytë është Dibra që godet fort drejt portës së Haremit por ky i fundit është tepër i vëmendshëm. Matjanët e mbajnë lojën në gjysmëfushën mike, ndërsa miqtë tentojnë me kundërsulme. Në minutën e 80 është Florenc Farruku i cili godet drejt portës beratase por topi kalon ngjitur me shtyllën e djathtë. 2 minuta më vonë është Brilant Hasaj që tenton por pa sukses. Një minutë më vonë, miqtë janë pranë golit me Pepajn por nuk arrin të godasë në shenjë. Miqtë shfrytëzuan vonesën e lojës për të mbajtur barazimin, duke bërë që as 5 minutat shtesë të dhëna nga gjyqtari i katërt të mos ndryshonin asgjë. Gjithçka u mbyll me rezultatin 0 me 0. Trajneri i Burrelit, Saimir Patushi shmangu prononcimin për mediat, ndërsa trajneri i Tomorit Klevis Dalipi vlerësoi lojën e të tijëve.
Sink… Klevis Dalipi – Trajner i Ekipit Tomori
Javën e ardhshme Burreli do të përballet në transfertë me ekipin e Butrintit të Sarandës.
