Qindra qytetarë organizuan këtë pasdite një tubim në kryeqytet për të dënuar dhe kundërshtuar dhunën ndaj të miturve, nisur nga rasti më i fundit ku një roje shkolle, 65-vjeçar, kishte përdhunuar një nxënëse 15-vjeçare.
Tubimi nisi në Sheshin “Nëntë Tereza”, më pas pjesëmarrësit, të cilët mbanin pankarta të ndryshme në duar, marshuan në Bulevardin “Dëshmorët e Kombit” deri në Sheshin “Skënderbej”.
Në protestë morën pjesë edhe shumë personazhe publikë, këngëtarë, artistë, gazetarë dhe aktivistë të ndryshëm.
