Ministria e Shëndetësisë njoftoi sot nëpërmjet një deklarate për shtyp se përgjatë 24 orëve të fundit janë regjistruar 50 raste të reja me koronavirus në vendin tonë, duke e çuar kështu në 1,722 numrin e të prekurve në total nga kjo sëmundje pandemike. Kjo është një ulje e lehtë e kurbës së infeksionit, krahasuar me ditën e djeshme, ku u regjistruan 82 raste. Gjithashtu ka ndërruar jetë një paciente 82-vjeçare nga Tirana. Deri tani 38 persona kanë ndërruar jetë. Ndërkohë edhe 13 pacientë të tjerë i janë shtuar listës së të shëruarve, duke e çuar në 1077 totalin e tyre.
Rastet e reja janë konstatuar;
- 12 në Shkodër
- 11 në Tiranë
- 7 në Vlorë
- 6 në Krujë
- 5 në Korçë
- 4 në Durrës
- 2 në Pukë
- 2 në Kurbin
- 1 në Lushnjë
