Zbulohen emrat e 5 të arrestuarve ditën e sotme në Bulqizë për kultivim të bimëve narkotike e armëmbajtje pa leje.
Të arrestuarit janë Urim Murati 33-vjeç, banues në Halil, Fushë-Krujë, Edison Burgu 24-vjeç, Mirjan Burgu 29-vjeç, Bernard Sallaku 28-vjeç, Erblin Sallaku 28-vjeç, të gjithë banues në Bulqizë.
Këta shtetas u arrestuan nga Policia pas një hetimi 3-mujor, ku rezultoi se në bashkëpunim me njëri-tjetrin, janë autorë të dyshuar të kultivimit të bimëve narkotike në vendin e quajtur ‘Golomeran’, në njësinë administrative Ostren, Bashkia Bulqizë.
Gjatë operacionit shërbimet e Policisë i kanë gjetur të fshehur shtetasit U.M., një armë zjarri automatik me 28 fishek që i posedonte pa leje.
Gjithashtu është gjetur dhe sekuestruar një sasi prej 2.6 kg kanabis në proçes tharjeje.
Materialet procedurale i kaluan Prokurorisë Pranë Gjykatës së Shkallës së Parë Dibër për veprat penale “Prodhim e shitje narkotikësh”, kryer në bashkëpunim, “Kultivimi i bimëve narkotike”, kryer në bashkëpunim, “Armëmbajtje pa leje “ , “Moskallzim Krimi”, “Veprime që pengojnë zbulimin e së vërtetës”.
