Në orët e mbrëmjes janë ndërprerë reshjet e borës në Qarkun e Dibrës. Pas ndërprerjes së reshjeve temperaturat kanë pësuar ulje të menjëhershme, dhe kanë nisur ngricat.

Situata rrugore paraqitet më problematike tani për shkak të borës dhe ngricave si pasojë e lagështirës. Policia ka vendosur postbllok në Klos, dhe në Brar-Murrize dhe nuk lejon kalimin e mjeteve në Rrugën e Arbrit, pasi mjetet bllokojnë punën e borëpastrueseve dhe për të shmangur aksidentet, deri në një njoftim të dytë.

Në aksin nacional Peshkopi – Tiranë, kalimi nga Peshkopia deri në Klos kalimi bëhet me zinxhirë. Aksi Peshkopi – Kala e Dodës- Kukës kalimi bëhet me vështirësi me zinxhirë, nga Cereni deri në Vasie fryn erë e fortë dhe grumbullon borën në trupin e rrugës. Aksi Peshkopi Qafë Draj – Kukës, qarkullimi bëhet vetëm me zinxhirë me vështirësi.

Aksi Ura e Çerenecit – Librazhd, qarkullimi bëhet me zinxhirë, më e vështirë është segmenti nga Ostreni deri në Steblevë.

Si pasojë e reshjeve janë pa energji elektrike gjysma e qytetit të Peshkopisë, Njësitë Administrative Lurë, Selishtë, Sllovë, Luzni në Dibër. Ndërsa në Bulqizë Njësitë Administrative Krastë, Ostren, Trebisht dhe fshatrat e Tërnovës në Fushë Bulqizë. /albeu.com/

  Reshjet e dëborës të rëna pa ndërprerje në të të gjithë Qarkun e Dibrës kanë sjellë problemet e para. Ndonëse situata ishte paralajmëruar nga sinoptikanët, në zonat e thella të Dibrës dhe Bulqizës ka mungesë të energjisë elektrike. Po ashtu probleme ka edhe në rrugët rurale, të cilat në shumë fshatra e njësi administrative janë aktualisht të pakalueshme. Trashësia e borës në Kalanë e Dodës, Selishtë dhe Lurë kalon mbi 60 cm. prefekti i Qarkut Dibër, Nexhbedin Shehu tha se situata pritet të vështirësohet me rënien e temperaturave, duke ju kërkuar drejtuesve të automjeteve që të bëjnë kujdes gjatë lëvizjes, pasi mund të ketë prezencë të akullit.

  Momentalisht rruga Peshkopi – Burrel – Tiranë është e kalueshme paprobleme. Rruga Ura e Çerenecit – Stëblevë – Librazhd kalohet me shumë vështirësi, e po ashtu edhe aksi nacional tjetër Peshkopi – Qaf Drajë – Kukës. Pushteti vendor ka nisur punën për hapjen e rrugëve rurale për të nxjerrë nga izolimi banorët e fshatrave të thella të Dibrës. Situatë problematike paraqitet edhe në njësitë administrative të Bulqizës, si Martanesh, Ostren, Trebisht, e disa fshatra të Zerqanit.

  Zëvendësministri i Brendshëm Besfort Lamallari ishte i pranishëm në analizën vjetore të institucionit të prefektit të Qarkut Dibër. Në fjalën e tij, Lamallari tha se puna e bërë nga ky institucion gjatë vitit 2021 shihet nga rezultatet, ndërsa kërkoi që të punohet akoma më shumë me ankesat e qytetarëve që të adresohen aty ku duhet dhe të ndiqen deri në zgjidhje. Zëvendësministri i Brendshëm, shtoi se qytetarët duhet të orjentohen më shumë drejt shërbimeve online pasi jo vetëm që fitojnë kohë, por edhe kanë më pak shpenzime.  Në fjalën e tij, Prefekti i Qarkut Dibër, Nexhbedin Shehu tha se të gjithë sektorët e prefekturës, duke nisur nga nënprefekturat Mat e Bulqizë, si dhe stafi i prefekturës kanë bërë një punë të mirë. Po ashtu Shehu kërkoi angazhim edhe më të madh për këtë vit.

Të pranishëm në analziën vjetore të institucionit të prefektit të Qarkut Dibër ishin edhe nënprefektët e Matit e Bulqizës Hasan Pasha e Avni Muliu, si dhe punonjës të të tjerë të këtij institucioni.

Situata e shkaktuar nga bora ka sjellë shumë vështirësi në përshkrimin e këtij segmenti.

Në një foto të postuar në portalin shihet gjendja e rrugës nga bora dhe një makinë e cila ka rrezikuar të aksidentohet.

Qarku Dibër/ Njoftim

Nisur nga situata metereologjike ku qarku i Dibrës është përfshirë nga reshje të dendura të dëborës, Policia Rrugore apelon për të gjithë drejtuesit e mjeteve që lëvizin në drejtim të Tiranës dhe anasjelltas nëpërmjet bypass- Qafë Murrizë, për shkak të reshjeve, ky aks rrugor do të jetë i bllokuar përkohësisht deri në pastrimin total nga firma kontraktore.

Apelojmë që drejtuesit e mjeteve të ndjekin aksin rrugorë Klos-Burrel-Ulëz, dhe të mos shkaktojnë trafik.

Shërbimet e Policisë Rrugore ndodhen në të dyja kahet e lëvizjes dhe nuk do të lejojnë asnjë drejtues mjeti të qarkullojë deri sa rruga të pastrohet plotësisht nga kontraktorët.


Akset rrugore Bulqizë-Peshkopi; Bulqizë-Klos janë të kalueshme por drejtuesit të mos qarkullojnë pa goma dimërore.

Policia e Rrugore apelon për të gjithë drejtuesit e mjeteve që të tregojnë kujdes të shtuar në drejtimin e mjetit, si dhe të shmangin lëvizjet e panevojshme.

Në rast nevoje për ndihmë, telefononi në numrin 112 ose dërgoni njoftim në Komisariatin Dixhital.

#policianëshërbimintuaj