Nga Eduard Zaloshnja

Rezultatet e zgjedhjeve parlamentare paraardhëse përbëjnë zakonisht një bazë të mirë për parashikimin e rezultateve të zgjedhjeve lokale.

Aty ku njëri krah ka patur epërsi të dukshme në zgjedhjet paraardhëse parlamentare, suksesi në zgjedhjet lokale ka qenë pothuaj i sigurtë.

Por zgjedhjet e 6 marsit do të zhvillohen pas një ngjarje të veçantë – Berisha dhe pasardhësi i përzgjedhur prej tij (Basha) janë në një luftë politike për jetë a vdekje. Si rrjedhojë, elektorati i djathtë është tashmë i përçarë.

Përçarja e PD-së do të ndikojë padyshim në bashki si Durrësi, Lushnja, Vora e Rrogozhina, ku e majta rezultoi me epërsi në 25 prillin e vjetshëm. Duke ia bërë asaj të lehtë që ta ruajë përsëri epërsinë (shihni rezultatet e vjetshme në tabelën shoqëruese).

Në Shkodër e Dibër, partitë opozitare (PD-AN dhe LSI) patën epërsi në 25 prillin e vjetshëm. Por sivjet PD-AN është e përçarë dhe votuesit e LSI-së nuk dihet nga do të anojnë apo nëse do të votojnë në këto dy bashki.

Për arsyet e mësipërme, gara duket se do të jetë e fortë për krejtë e bashkive në Shkodër e Dibër. Ndërsa në bashkitë e tjera, gara kryesore mbetet të jetë mes kandidatëve të Berishës e Bashës, se kush do të dalë i dyti apo i treti…

Kreshnik Çollaku thotë se pajtimi në PD është i mundur nëse ai nis nga baza. Në emisionin “Arnautistan”, ai tha se ka propozuar një “armëpushim” deri pas zgjedhjeve të pjesshme, në mënyrë që demokratët e bazës të mos ndikohen nga sherri që bëhet në Tiranë.

Aty (në Komisionin e Rithemelimit) ka njerëz që i atribuojnë Bashës ndalimin e karrierave. Mendoj se kjo është çështje inati. E shoh më shumë si gjendje emocionale. Pajtimi është shumë më i lehtë në bazë me njerëzit. Me bazën ka mundësi pajtimi. Te ky grup njerëzish, Grupi i Rithemelimit, e shoh më të vështirë. Kam propozuar të ndalojmë sulmet. T’i lëmë demokratët e bazës të zgjedhin. Por Komisioni i Themelimit ka filluar sërish fazën agresive. Të ndalojmë sherret 5 javë. Nuk mund t’ua heqim demokratëve të bazës mundësinë.

Ka përfunduar mbledhja e kryesisë së Partisë Socialiste ku janë prezantuar edhe kandidatët që do të marrin pjesë në zgjedhjet e pjesshme të gjashtë marsit. Ministri Ulsi Manja, në cilësinë e drejtuesit politik në Qarkun Dibër, tha se ka zgjedhur si kandidat në këtë bashki bankierin Rrahim Spahiu, sipas tij Spahiu është njeriu i duhur për të çuar përpara projektet në këtë bashki.

“Jam këtu për kandidatin që do të kandidojë në zgjedhjet e 6 marsit. PS mori në analizë kandidaturat e dhëna nga unë. U konludua që kandidati do të jetë Rrahim Spahiu. Është njeri me vizion, Dibra ka një shans e do të ketë në krye një person me integritet. jam i bindur që do të bëjmë punë të mirë”- tha drejtuesi i qarkut, Ulsi Manja.

Spahiu është një qytetar dibran i cili punon në sektorin bankar.

Kryeministri Edi Rama do të mbledh ditën e sotme Kryesinë në selinë e Partisë Socialiste.

Kjo mbledhje pritet të organizohet në orën 17:30. Mësohet se në fokus të mbledhjes së Kryesisë do të jenë zgjedhjet e pjesshme lokale në 6 bashki.

Këto zgjedhje do të mbahen në 6 mars, në bashkitë Shkodër, Durrës, Dibër, Vorë, Lushnjë e Rrogozhinë. Pritet që sot PS të vendos edhe për emrat e kandidatëve në këto 6 bashki.