Blektoria e vështirë, banorët e lagjes Allmetaj në Bulqizë e kanë gjetur një zgjidhje
Të jesh blektor me një numër të madh të imtash është e vështirë për shumë banorë që jetojnë në zonat rurale. Por siç thonë ata, në fshat nuk mund të jetosh pa patur edhe bagëtinë megjithëse në numër të vogël. Por të harxhosh kohën apo ditën me më pak se dhjetë krerë të imta, nuk ja vlen, ndaj banorët e lagjes Allmetaj në afërsi të Bulqizës kanë gjetur një zgjidhje. Ata shkojnë me radhë me bagëti, duke e ndarë muajin në ditë të barabarta mes tyre. Rrahman Llani shprehet se kjo ishte zgjidhja më e mirë për tu mos u penguar të gjithë me shumë pak bagëti. Por sipas tij, nuk ja vlen të merresh me blektori pasi nuk është me përfitim.
Aktualisht kjo lagje numëron rreth 80 krerë të imta, të cilat kulloten në tokat e secilit prej atyre që i kanë.
E.D
Bulqizë, zgjedhje interesante e blegtorëve
Mati në “flakë”, gjashtë vatra zjarri aktive
Rrethi i Matit përfshihet nga zjarret. Njësitë Burrel , Komsi dhe Baz jane zonat e prekura nga 6 vatra zjarri. Deri në këto momente nuk ka të lenduar dhe pritet ndërhyrje e forcave zjarrfikëse. Zjarrëvënia mendohet te ketë qenë e qëllimshme teksa ky është një fenomen i përvitshëm në Mat ku vlen për tu përmendur fakti që autoret ja hedhin paq në shumicën e rasteve.
Pas shumë kohësh shkolla “Shaban Çollaku” do ti nënshtrohet një rikonstruksioni të plotë
Lajm i mirë, financohet projekti i gjimnazit të Klosit.
Pas shumë përpjekjesh prej tre vitesh më në fund gjimnazi i “Shaban Çollaku” në Klos, do t’i nënshtrohet një rikonstruksioni të plotë. Në një shkresë zyrtare të dërguar nga Mat Televizion pranë Ministrisë së Arsimit, Sporteve dhe Rinisë, kjo e fundit është përgjigjur. Kërkesa kishte të bënte me financimin e projektit të rikonstruksionit të gjimnazit “Shaban Çollaku” në Klos. Koordinatori për të drejtën e informimit në Ministrinë e Arsimit, është përgjigjur zyrtarisht këtë të premte. Në përgjigje thuhet:
Në lidhje me gjimnazin “Shaban Collaku” në bashkinë Klos, sqarojmë se MASR ka shqyrtuar aplikimin për financimin e projektit të Bashkisë Klos dhe e ka përcjellë për miratim në Komitetin e Zhvillimit të Rajoneve.
Komiteti i Zhvillimit të Rajoneve, i kryesuar nga Kryeministri, ka miratuar financimin e projektit për bashkine Klos.
Pas botimit në fletoren zyrtare, Bashkisë Klos do t’i çelen fondet e planifikuara sipas vendimit të KZHR-së për vitin 2019, për të vijuar në cilësinë e Autoritetit Kontraktor më tej me procedurat e prokurimit dhe nënshkrimit të kontratës së zbatimit.
Nëse projekti do të nis zbatimin shumë shpejt, atëherë gjimnazistët dhe stafi pedagogjik i gjimnazit “Shaban Çollaku” Klos, do ta nisin vitin e ri të ardhshëm shkollor në ambjente të rikonstruktuara.
D.K
Ura totalisht e amortizuar në fshatin Ndrelalaj, rrezikon jetën e dhjetra banorëve
Ura e fshatit Ndrelalaj, një ndër më të dëmtuarat
Një ndër urat e dëmtuara nga shirat e vitit 2016 është edhe kjo, në fshatin Ndrelalaj të Njësisë Administrative Baz në Bashkinë e Matit. Sipas banorëve të zonës, ura është e gjatë rreth 180 metra. Pas tejmbushjes së lumit Mat nga shirat e 2016, ura pësoi dëmtime sidomos në njërën anë të saj. Jashtë kameras banorët thonë se ura kërkon një rehabilitim të plotë sa i përket kavove dhe shtresës e cila është e kalbur. Për shkak të këtij dëmtimi, sipas banorëve kur liqeni Ulzës mbushet, ura humbet deri në 2 metër nën ujë.
Megjithëse në anën tjetër të liqenit të Ulzës në fshatin Ndrelalaj jetojnë shumë pak familje, dikur aty kishte shumë banorë. Një pjesë e fshatit që jeton në anën e Bazit ka toka bujqësore në anën tjetër, tokë e cila tashmë ka mbetur pa u punuar, për shkak të dëmtimit të urës.
Banorët që kanë tokat në anën tjetër, duhet që të dalin në Burrel pastaj në Urakë e në fund të shkojnë tek tokat e tyre, të cilat në vijë ajrore nuk janë më larg se 300 metra.
E fundit/.Zjarr i madh në Kongrazhd, nuk ka të lënduar
Një zjarr i madh ka rënë në zonën e kongrazhdit mbi zonën e ish-pularinë. Zjarrëfiksja është në vendngjarje dhe punonjësit po perpiqen të neutralizojnë zjarrin duke hasur në terrenin e vështirë.
Raportohet se nuk ka të lënduar dhe se nga zjarri nuk rrezikohen banesa. Akoma nuk dihet nëse zjarrvënja është e qëllimshme.
Dibër : 3 të arrestuar në 12 orët e fundit
Dibër
Gjatë 12 orëve të fundit arrestohen në flagrancë 3 shtetas.
Parandalohet një konflikt pronësie mes dy shtetasve, arrestohet në flagrancë një 33-vjeçar.
Si dhe janë arrestuar dhe 2 shtetas të tjerë pasi janë konfliktuar dhe kanë dhunuar me mjete të forta një 35-vjeçar.
Shërbimet e Komisariatit të Policisë Dibër , kanë marrë njoftim se në njësinë administrative Muhurr, po ndodhte një konflikt mes dy shtetasve ku mund tu përshkallzonte në përmasa të mëdha.
Menjëherë është organizuar puna duke bërë të mundur parandalimin e mëtejshëm të konfliktit, ku u arrestua në flagrancë shtetasi :
A.M, 33 vjeç, banues në Dibër
Arrestimi i tij u bë pasi gjatë një konflikti për motive pronësie ka goditur dhe dëmtuar në pjesën e fytyrës shtetasin A.M, 52 vjeç, i cili është dërguar për ndihmë mjekësore më të specializuar drejt Tiranës, dhe ndodhet jashtë rrezikut për jetën.
U arrestuan në flagrancë shtetasit :
L.Gj, 31 vjeç,
O.Sh, 37 vjeç, të dy banues në Dibër
Arrestimi i tyre u bë pasi këta shtetas në bashkëpunim me njëri tjetrin pas një konflikti për motive të dobëta kanë goditur me mjete të forta në pjesë të ndryshme të trupit, shtetasin M.(S).D, 35 vjeç, banues në Dibër, i cili ndodhet në spitalin Rajonal Dibër, jashtë rrezikut për jetën.
Materialet për shtetasit e lartëpërmendur i kaluan Prokurorisë Pranë Gjykatës së Shkallës së Parë Dibër për veprime të mëtejshme.
Holanda kërkon rikthimin e vizave për Shqipërinë
“De telegraaf” gazeta më e madhe në holandë i kushtuar një artikull kërkeses se disa partive politike në Holandë të cilat kanë kërkuar rikthimin e vizave për shqiptarët.
Kjo pasi 3 partitë e shohin këtë si e vetmja mundësi për të frenuar fenomenin e krimit të organizuar shqiptar në Holandë.
Kjo masë drastike është mbështetur nga 3 parti kryesore në Holandë, ndër të cilat Partia Socialiste, Partia për Liri dhe Partia Demokristiane. Sipas deputetit Fritsma problemet nisën kur u liberalizuan vizat. “Për këtë mund të prisje, kriminelët përfitojnë kur ska kontrolle.”
Edhe deputetja Van Toorenburg, antare e të njëjtës forcë politike të Ministrit Holandez për Drejtësi dhe Siguri Grapperhaus, kërkoj direkt rikthimin e vizave për Shqiptaret. “Unë dua të di kë fusim në shtëpi, do vi shumë shpejt një debat me ministrin.” Anëtari i Partisë Socialiste në Kuvendin e Holandës mbështet këtë mase “Duhet niset një procedurë emergjente për të rikthyer vizat”
FUTBOLL, “KLOSI” MBYT “ADËN”
Ekipi i futbollit të kategorisë së dytë “Klosi” “shkatërron” ekipin mik “Adën” e Velipojës në takimin e së shtunës të luajtur në “Liri Ballabani”. Me fitoren 4 me 1, “Klosi” ngjitet me meritë në vendin e 8-të të Grupit A.
“TREGU MAQEDONAS PO NA MBYT”
Tregu maqedonas, që operon me çmime më të lira për konsumatorin shqiptar, po “mbyt” tregun vendas të fermerëve edhe në Gjoricë të Bulqizës. Nisur nga ky fakt dhe nga superprodhimi që u ka mbetur stok, fermerët në Gjoricë apelojnë ndaj shtetit për përkrahje përmes politikave favorizuese në treg, përfshirë këtu edhe instalimin e frigoriferëve.
FESTIVALI I SHOQATAVE ARTISTIKE
Në prag të Festivalit Mbarëkombëtar të Shoqatave Kulturore e Artistike, organizatorët zbresin në Burrel për shoqatën “Mati” të “Mjeshtrit të Madh” Ymer Neli. E pranishme në këtë fazë përzgjedhëse ishte vetë drejtoresha e Qendrës Kombëtare të Veprimtarive Foklorike, Armanda Hysa.