Një 56-vjeçar nga Bulqiza i identifikuar si Ramazan Murrja ka humbur jetën pasditen e sotme, pasi ka rënë në kontakt me rrymën elektrike, ndërsa ishte duke peshkuar me gjenerator në lum.
Ngjarja ka ndodhur tek Zalli i Bulqizës, në vendin e quajtur “Tre Çezmat”.
Ende nuk bëhen me dije detajet për ngjarjen e rëndë, ndërsa policia ka mbërritur menjëherë në vendin e ngjarjes.
Bulqizë/informacion paraprak
Rreth orës 18.30, është dërguar në spitalin e Bulqizës pa shenja jete shtetasi R. M., 56 vjeç, i cili paraprakisht dyshohet se duke gjuajtur peshk në lumin Drin, ka rënë në kontakt me rrymën elektrike dhe për pasojë ka humbur jetën.
Grupi hetimor vijon hetimet për zbardhjen e rrethanave të ngjarjes.
