Përplasje në Kuvend: Deklaratat për Spastrimin Etnik të Kosovës Shkaktojnë Pezullimin e Komisionit të Jashtëm
Deklaratat e Snezhana Paunoviq, zyrtare për administratën publike në Serbi, lidhur me spastrimin etnik të Kosovës në vitin 1998, kanë shkaktuar trazira në punimet e Komisionit për Punë të Jashtme të Kuvendit të Shqipërisë, duke çuar në ndërprerjen e tyre të hënën.
Kjo situatë lindi pas kërkesave për të sqaruar qëndrimin e diplomacisë shqiptare ndaj deklaratave të zyrtareje serbe, e cila ka origjinë kosovare, duke qenë se ka lindur në Pejë.
Deputetët e opozitës, Tritan Shehu dhe Albana Vokshi, kërkuan shpjegime dhe një reagim të prerë ndaj deklaratave të Paunoviq, duke iu drejtuar ish-ministrit për Evropën dhe Punët e Jashtme, Igli Hasani, aktualisht kryetar i Komisionit të Jashtëm.
Gjatë mbledhjes, pati përplasje të forta verbale mes Hasanit dhe anëtarëve të opozitës, me tensione që u përshkallëzuan nga shkëmbime akuzash mes palëve.
Për shkak të klimës së ndezur, mbledhja e Komisionit u pezullua.
Debati kishte këtë rrjedhë:
Hasani: Kur më jep ti leksione për ruajtjen e durimit, është fundi i botës.
Vokshi: A mund të qetësoheni? Shoh që qenkeni në siklet.
Hasani: Jam aq i qetë, o zonja Vokshi.
Vokshi: E kuptoj që kjo gjuhë ju prek. E kuptoj që, duke ngritur zërin, ju kërkoni të fshihet heshtja e dënueshme e kryeministrit.
Hasani: Nuk më fsheh heshtjen e askujt. E kuptoj dëshirën për të përdorur deklaratën budallaqe të një të çmendure.
Vokshi: Ajo është ministre, s’mund të trajtohet si individ i çmendur.
Hasani: E çmendur, qelbësirë e çmendur.
Vokshi: Ju duhet të reagoni. Ky komision duhet të reagojë.
Hasani: Fol, por mos u merr me mua.
Vokshi: Drejtohuni siç duhet, ruani etikën dhe qetësinë. Ju më fyeni, por unë nuk i përgjigjem fyerjes suaj.
Hasani: Mos u merr me mua.
Vokshi: Opozita nuk do ta mbyllë gojën.
