Burreli do të luajë ndeshjen ndoshta më të rëndësishmen e fazës së dytë të këtij kampionati ku do të presë në shtëpi ekipin kryesues të grupit A, Kastriotin e Krujës. Matjanët do të shkojnë në këtë takim me moral të lartë pas fitoreve të njëpasnjëshme të marra brenda dhe jashtë fushës së tyre. Ndonëse do të jenë përballë pretendentit kryesor për të kaluar në ligën superior, matjanët janë të vendosur, të mos lënë asnjë pikë në fushën e tyre.
Për Administratorin e Klubit të Futbollit “Burreli”, Bajram Ballabani ekipi ka shumë arsye që duhet ta fitojë këtë përballje e cila duhet të jetë vijimësi e atyre të mëparshmëve. Duke vlerësuar në maksimum ekipin kundërshtarë Ballabani tha se fitorja do të jetë e padiskutueshme. Ai nuk la pa ftuar edhe tifozët që të jenë sa më të shumtë në numër për ta mbështetur skuadrën ashtu siç kanë bërë gjithmonë.
Ndeshja mes ekipit Burreli dhe Kastriotit të Krujës do të zhvillohet nesër në orën 14:00 në stadiumin “Liri Ballabani”.
