Epidemiologu Dritan Ulqinaku shprehet se koronavirusi do të qëndrojë për një kohë të gjatë në qarkullim dhe se qytetarët do duhet të përgatiten dhe mësohen me ‘rregullat e reja’ për të mos përqafuar apo dhënë dorën njerëzve.
Përmes një lidhje skype për emisionin “Vizioni i Pasdites” mjeku u shpreh se duhet të mësohemi me idenë e bashkëjetesës me Covid-19.
“Unë e kam shprehur edhe më përpara ne na ka dalë frika nga ky virus dhe nëse vazhdon ky ndërgjegjësim me mos përqafimim, mos shtrëngimin e duarve dhe mbajtja e distancës është fare normale, por duhet të përgatitemi që me këtë virus të bashkëjetojmë për shumë vite.Nuk ka asnjë shenjë që ky virus po del nga qarkullimi, kështu që nëse i referohemi virusit të sarsit që pas 6 muajsh doli nga qarkullimi dhe kurba e tij filloi një rënie të dukshme që pas muajit të tretë nuk ekziston i njejti fenomen me COVID-19 dhe pas tre muajve nga rastet e para, kurba është në rritje eksponenciale fatkeqësisht në këto momente që ne flasim“, u shpreh epidemiologu.
Ulqinaku shtoi gjithashtu se deri në 30 raste në ditë janë normale dhe të menaxhueshmë aq sa të mos krijojë kolaps në sistemin shëndetësor.
