Ministrja e Shëndetësisë, Ogerta Manastirliu, ka publikuar disa foto në faqen e saj në “Facebook” me infermierët që shërbejnë në banesa në këto temperatura minus.
Manastirliu u shpreh se “kushtet ekstreme të motit në -15 gradë celsius në fshatin e thellë malor Bllacë në Bulqizë, nuk e kanë penguar infermiere Fiqireta Skarrën të shërbejë në banesë, për ata që kanë nevojë”.
Po ashtu, Manastirliu tha se “si Fiqeretja, infermiere Nurie Xheka në fshatin Gjuras në Shupenzë, Kliton Shpati në Theth, mjekët dhe infermierët tanë janë në gatishmëri në të gjithë vendin në këto ditë të motit ekstrem, për t’iu përgjigjur emergjencave shëndetësore”.
