Gjykata e Posaçme e Apelit ka kthyer për rigjykim çështjen ndaj ish-ministrit të Brendshëm, Saimir Tahiri.
Ky ka qenë vendimi i gjyqtarëve Neritan Kosova, Albana Boksi dhe Dhimitër Lara.
Tahiri ka qenë vetë i pranishëm në seancë, i shoqëruar nga avokati mbrojtës, Maks Haxhia.
Ish-ministri i Brendshëm u vu nën akuzë pas arrestimit të grupit “Habilaj” për trafik ndërkombëtar droge.
Prokuroria e Krimeve të Rënda kërkoi dënimin e tij me 12 vite burg, që për shkak të gjykimit të shkurtuar shkon në 8 vite. Por, gjykata e dënoi Tahirin me 3 vite burg me shërbim prove.
