Tre nxënës të shkollës 9-vjeçare “Tahir Hoxha” në Klos u goditën nga një mjet i tonazhit të rëndë tip trajler.
Ngjarja ka ndodhur pak minuta më parë në hyrje të qytetit të Klosit.
Mësohet se fëmijët kanë qenë duke u kthyer nga shkolla kur janë goditur, nga automjeti që ndodhej në urën në hyrje të qytetit.
Nxënësit janë dërguar me autoambulancë në spitalin e Burrelit dhe ndodhen jashtë rrezikut për jetën. ndërkohë, policia ka mbërritur në vendin e ngjarjes dhe poheton shkaqet e këtij aksidenti.
Mat Tv e ka trajtuar disa herë problematikën e kësaj ure në të cilën duhet të kalojnë paralel me makinat edhe nxënësit e dy shkollave të qytetit të Klosit. Aksidenti i sotëm është pasojë e mungesës së kalimit të sigurtë për këmbësorët.
