Janë zhvilluar të dielën pasdite disa nga ndeshjet e javës së katërt të kategorisë së parë. Burreli priti në shtëpinë e tij ekipin e Pogradecit ku pati një rivalitet të fortë që nga nisja e lojës. Por tre golat e këtij takimi u shënuan vetëm në minutat e fundit të lojës atëherë kur të gjithë mendonin se gjithçka po mbyllej me porta t paprekura. Tentativat e Farrukut nuk rezultuan të suksesshme deri në minutën e 88 teksa i ndodhur në zonë pas një goditje dënimi arriti të tund rrjetën e portës ë liqenorëve dhe të kalojë ekipin e tij në avantazh.
Megjithatë gëzimi i skuadrës së drejtuar nga tekniku Ditmar Bicaj do të zgjaste vetëm disa minuta pasi miqtë shfrytëzojnë bukur një kundërsulm dhe arrijnë që të barazojnë gjithçka me Panadiç i cili po me kokë godet nga fër dhe Danaj është i pashpresë për të mos lejuar topin që të prekë rrjetën.
Rezultati final do të vulosej pikërisht në minutën e fundit të shtesës së dhënë nga gjyqtari i katërt. Matjanët ekzekutojnë bukur një goditje dënimi dhe portieri mik nuk arriti ta zotërojë topin siç duhet dhe ky i fundit futet Brenda vijës fatale të portës së tij. Për miqtë nuk do të kishte më shpresë ndërsa do të largoheshin nga Burreli me tri pikë të humbura. Ndeshja u shoqërua me tension dhe një numër të madh kartonash. Plot 15 kartona u akorduan të verdhë ndërsa një karton i kuq u dha për Lipon që prontestonte nga pankina. Tri pikët e marra të dielën e kanë ngjitur Burrelin momentalisht në vendin e dytë në kuotën e 8 pikëve.
Erzeni i zbritur nga Superiorja në Kategorinë e Parë, duket se rrezikon seriozisht rënien edhe nga kjo kategori në fund të këtij sezoni. Skuadra shijakase ka regjistruar sot humbjen e katërt në po aq ndeshje të luajtura, duke u gozhduar në fundin e tabelës.
Humbja e sotme erdhi përballë Korabit, i cili zgjidhi gjithçka që në minutat e parë me Peraltan dhe Andonin, për t’u larguar nga zona e ftohtë e klasifikimit.
Ndërkaq, Lushnja ka konfirmuar pretendimet e saj me një fitore minimale 1-0 në fushën e Apolonisë, teksa Hida ka zgjidhur fatin e sfidës që në pjesën e parë të kësaj përballje.
REUZLTATET
APOLONIA-LUSHNJA 0-1
15′ Hida
BURRELI-POGRADECI 2-1
88′ Ferruku, 90’+11′ Xhakaj / 90’+5′ Panadiç
ERZENI-KORABI 0-2
14′ Peralta Romero, 22′ Andoni
