Ky është 65 vjeçari Abaz Doku, i cili dyshohet se ka abuzuar seksualisht një 15 vjeçare.
Televizioni i njohur ABC News ka siguruar foton e tij.
65 vjeçari është arrestuar tashmë në akuzën e “dhunës seksuale me të mitur” dhe bashkë me të janë arrestuar edhe 3 persona të tjerë.
Të katërt dyshohen se kanë abuzuar me të miturën duke e kërcënuar se do të nxirrnin videon e dhunës nga 65 vjeçari e cila është regjistruar nga ky i fundit.
abcnews.al ka mësuar se ngjarja e rëndë ka ndodhur në shtëpinë e vëllait të Abaz Dokut, i cili ndodhej jashtë shtetit, çelësat e të cilës i mbante 65 vjeçari.
Mësohet se ai e ka dërguar vajzën atje duke abuzuar me të, ndërkohë që gjithçka e ka filmuar në telefon, pamje të cilët ia ka dhënë edhe tre të rinjve të tjerë të zonës.
65 vjeçari ka mohuar të ketë abuzuar me vajzën e mitur, dhe ka deklaruar se e ka prekur atë vetëm në pjesët intime, me dëshirën e saj.
Abaz Doku kishte qenë roje në një prej shkollave të zonës së njohur si Bregu i Lumit në Tiranë.
Ai dyshohet se ka pasur edhe raste të tjera abuzimi me të mitura, raste për të cilat tashmë kanë nisur hetimet./
Copyright abcnews.al
