Rikonstruktohet shkolla 9-vjeçare në Dohoshisht të Dibrës, një investim ky i Bashkisë Dibër, prej 12 milionë lekë. Ky investim do t’u shërbejë rreth 150 nxënësve dhe mësuesve të kësaj shkolle. Kryebashkiaku Rahim Spahiu duke folur rreth këtij investimi, tha se shkollës i është bërë veshja me sistem “kapot” nga jashtë, si dhe sistemimi në kushte bashkëkohore i oborrit dhe terreneve sportive.
Ashtu si Kryebashkiaku Rahim Spahiu edhe drejtori i Urbanistikës pranë Bashkisë Dibër, Elvis Manga, thanë se investimet e radhës në shkolla, kopshte e çerdhe, do të vijojnë.
