Ministria e Shëndetësisë njoftoi sot nëpërmjet një deklarate për shtyp se përgjatë 24 orëve të fundit janë regjistruar 131 raste të reja me koronavirus në vendin tonë, duke e çuar kështu në 13,649 numrin e të prekurve në total nga kjo sëmundje pandemike.
Në 24 orët e fundit kanë humbur jetën 3 qytetarë, të cilët po trajtoheshin në terapi intensive. Viktimat janë; një 47-vjeçar nga Shkodra; një 72-vjeçare nga Elbasani, një 75-vjeçare nga Tirana, me sëmundje bashkëshoqëruese. Deri më tani 387 persona e kanë humbur betejën me këtë virus në vendin tonë.
Aktualisht në spitalin Infektiv dhe “Shefqet Ndroqi” po trajtohen 178 pacientë, 19 në terapi intensive nga të cilët 9 pacientë janë të intubuar.
Ndërkohë edhe 115 pacientë të tjerë i janë shtuar listës së të shëruarve, duke e çuar në 7,847 totalin e tyre.
Rastet e reja janë konstatuar;
- 49 në Tiranë
- 16 në Durrës
- 8 në Elbasan
- 7 në Shijak
- 6 në Korçë
- 5 në Kukës
- 5 në Berat
- 4 në Shkodër
- 4 në Krujë
- 4 në Fier
- 3 në Malësi të Madhe
- 2 në Kurbin
- 2 në Lezhë
- 2 në Has
- 2 në Vlorë
- 2 në Përmet
- 2 në Dibër
- 2 në Klos
- 2 në Patos
- 1 në Kavajë
- 1 në Pogradec
- 1 në Sarandë
- 1 në Delvinë
Sipas zyrtares së Institutit të Shëndetit Publik, Mirela Cami, gjatë 24 orëve të fundit janë testuar 842 qytetarë si të dyshuar me COVID-19, ndërsa që nga nisja e pandemisë në vendin tonë janë kryer 88,040 testime.
Aktualisht në Shqipëri mbi 5,415 persona vijojnë të jenë aktivë me COVID-19, kryesisht në Tiranë, Shkodër dhe Durrës.
COVID-19 – Statistika (30 Shtator 2020)
- Testime totale 88040
- Raste pozitive 13649
- Raste të shëruara 7847
- Raste Aktive 5415
- Humbje jete 387 (Qarku Tiranë 184, Durrës 46, Shkodër 41, Elbasan 27, Fier 22, Korçë 19, Lezhë 16, Kukës 10, Dibër 8, Vlorë 8, Gjirokastër 4, Berat 2).
Shpërndarja gjeografike e rasteve aktive sipas qarqeve:
- Tiranë 2676
- Durrës 596
- Shkodër 397
- Lezhë 306
- Elbasan 302
- Fier 249
- Korçë 240
- Vlorë 193
- Kukës 156
- Berat 114
- Dibër 109
- Gjirokastër 77
Apeli i Ministrisë së Shëndetësisë dhe Mbrojtjes Sociale:
Me rinisjen e vitit te ri shkollor, Ministria e Shëndetësisë dhe Mbrojtjes Sociale, i drejtohet me një thirrje mësuesve, prindërve, nxënësve, të tregojnë kujdes me zbatimin me përpikëmri te masave që frenojnë përhapjen e covid19.
Ministria e Shëndetësisë apelon për respektimin e distancimit social, vendosjen e maskave ose barrierave mbrojtëse, larjen ose dezinfektimin e duarve, ajrosjen e ambienteve, matjen e temperaturës së nxënësve çdo ditë. Të gjitha institucionet arsimore që fillojnë ditën e nesërme mësimin duhet të zbatojnë me rigorozitet Udhëzimin mbi masat anti-COVID19 me qëllim parandalimin e përhapjes së virusit CARSCOV2.
Strukturat e sistemit shëndetësor janë në gatishmëri për t’ju përgjigjur çdo problematike, si dhe për të identifikuar dhe izoluar në kohë çdo rast të dyshuar.
