Burreli, të tjerë futbollist vijnë në testim
Ekipi i Burrelit vijon të presë të tjerë futbollist në merkaton e dimrit. Mësohet se dy ditët e fundit dy sportist i janë shtuar grupit për të vijuar përgatitjet për pjesën e mbetur të kampionatit. Ndonëse ende nuk është vendosur se kush do të federohet nga të ardhurit, stafi teknik po i teston ata çdo ditë. Prurjet më të reja në ekip janë Armando Gega në pozicionin e mesfushorit të djathtë dhe nigeriani Viktor Kalu.
Drejtues të stafit teknik thanë për Mat Televizion se është ende herët për të vendosur se kush nga të afruarit në Janar do të jetë pjesë e Burrelit. Ata u shprehën se po i testojnë të ardhurit në çdo drejtim në mënyrë që të mos kenë surpriza gjatë ndeshjeve zyrtare.
Matjanët do ta mbyllin merkaton me 25 Janar ku dhe do të bëjnë publike listën e futbollistëve që do të jetë e gatshme për të luajtur ndeshjet e mbetura të këtij kampionati.
