Aksidenti me vdekje në minierën e Bulqizës/ Arrestohet drejtuesi teknik

Aksidenti me vdekje në minierën e Bulqizës/ Arrestohet drejtuesi teknik i “Eternal Security”. Policia: Nuk zbatoi rregullat e sigurisë në punë Policia e Bulqizës ka arrestuar drejtuesin teknik të subjektit minerar “Eternal Security”, pas aksidentit tragjik në punë që i mori jetën 40-vjeçarit Ilir Kolaveri. Në pranga është vënë shtetasi Përparim Koçi, 63 vjeç, banues në fshatin Vajkal, i cili ushtronte detyrën e drejtuesit teknik në subjektin minerar ku ndodhi ngjarja. Sipas Policisë, arrestimi u krye pas veprimeve hetimore të zhvilluara për aksidentin e ndodhur më 1 gusht 2026. Hetimet paraprake kanë ngritur dyshime se drejtuesi teknik nuk ka zbatuar rregullat e mbrojtjes në punë, duke sjellë si pasojë aksidentin fatal. Ngjarja ka rikthyer në vëmendje rëndësinë e respektimit të standardeve të sigurisë në industrinë minerare, një sektor ku rreziku për aksidente mbetet i lartë. Organet ligjzbatuese pritet të vijojnë hetimet për të përcaktuar përgjegjësitë e plota dhe për të verifikuar nëse janë respektuar të gjitha detyrimet ligjore për mbrojtjen e punonjësve. Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprën penale "Shkelja e rregullave të mbrojtjes në punë", ndërsa hetimet për zbardhjen e plotë të rrethanave të ngjarjes vijojnë.