Seanca e sotme plenare është ndërprerë për 5 minuta pas një debati të shkaktuar mes deputetit të opozitës Myslim Murrizi pasi ky i fundit bllokoi foltoren.
Teksa kryetari i Kuvendit Gramoz Ruçi i kërkoi deputetit që të largohej nga foltorja, ky i fundit nuk i është bindur, ndërsa sigurimi ka rrethuar foltoren, ku të pranishëm ishin kolegët Korab Lita dhe Halit Valteri.
Kaq mjaftoi që Ruçi të ndërpriste seancën, me kërkesë të Ballës, për 5 minuta pushim. Ruçi e paralajmëroi me përjashtim nga seanca Murrizin.
Pas Myrrizit ka qenë deputeti Halit Valteri ai që i është afruar foltores dhe ndërpreu fjalën e ministrit të Brendshëm Sandër Lleshaj.
“Halit mos bëj të fortin se do përjashtohesh nga seanca. S’ka këllçe asnjë njeri të më kundërshtojë mua” u shpreh Ruçi.
Debati me Halit Valterin
Gramoz Ruçi-Halit Valterit: Po të tërheq vëmendjen sipas rregullave të etikës
Halit Valteri: Gjithmonë kështu na e bën ti
Sandër Lleshaj-Halit Valterit: Nuk e mbyt do ti fjalën time
Gramoz Ruçi: Halit mos bëj të fortin se do të përjashtohesh nga seanca. Po të paralajmëroj po vete 2 minutëshi do të përjashtohesh. Nuk ka këllqe asnjëri që të më kundërshtojë mua, të kam paralajmëruar tre herë deri tani. Ulu ti nuk ke të drejtë të kërkosh se je në pikën që përjashtohesh nga seanca.
Myslym Murrizi: Bëj 5 minuta pushim
Gramoz Ruçi-Murrizit: Ministrit i është dhënë fjala, sa të mbaroj 5 minuta pushim. Babën as ta kam zënë, as mos ma zër me gojë. Ministër mos repliko.
Marre nga Fjala.al
