Bashkimi Evropian ka reaguar me anë të një postimi në Twitter pas shembjes së Teatrit Kombëtar.
“Prishja e Teatrit Kombëtar erdhi në një kohë kur ne kërkuam dialog midis autoriteteve dhe shoqërisë civile para se të merrej një vendim i pakthyeshëm. Na vjen keq që kjo thirrje nuk u ndoq nga institucionet përkatëse kombëtare dhe vendore”, lexohet në postimin e BE-së.
Gjithashtu, BE-ja u bëri thirrje palëve që të tregojnë përmbajtje: “Që në orët e para të këtij mëngjesi, kemi ndjekur me shqetësim të thellë zhvillimet e situatës në terren. Ne u bëjmë thirrje palëve të tregojnë përmbajtje dhe të shmangin një përshkallëzimin të situates”.
