Ish deputetja e Partisë Demokratike për Qarkun Dibër, Dhurata Çupi ka dalë në mbrojtje të banorëve të fshatrave Gjoçaj, Zall-Gjoçaj, Dukagjin e Lam i Madh në Bashkinë e Matit të cilët kundërshtojnë me forcë ndërtimin e HEC-eve mbi Zallin e Melthit. Ish deputetja Çupi tha se banorët që jetojnë aty të vetmen pasuri që kanë është uji.
Sipas Çupit të gjitha lejet e dhëna për HEC-ce nga kjo qeveri do të hetohen.
“I gjithë Qarku i Dibrës po vuan nga ky problem. Banorët e Zallit të Gjoçajve e kundërshtojnë me të drejtë pasi aty nuk ju mbetet më asgjë tjetër nëse ju marrin ujin. Në vend që ai vend të ishte një atraksion turistik, ai do të kthehet i pabanueshëm edhe nga vetë banorët, pasi turist nuk do të ketë. Ne do të shikojmë çdo leje të dhënë dhe të gjitha abuzimet do t’i dërgojmë në prokurori”.
