Vendi ynë po përballet vazhdimisht me ndotjen e ambjentet për shkak të hedhjes së mbeturinave vend e pa vend. Një situatë problematike shihet edhe në rrethinat e qytetit të Peshkopisë. Siç shihet përroi i lagjes së llixhave është tejet i ndotur.
Mbeturina nga më të ndryshme janë hedhur në këtë përrua duke nisur nga ato të konsumit të përditshëm e deri tek mollët e pa shitura të fermerëve dibranë. Banorët e kësaj lagjeje shprehen se një situatë e tillë nuk duhet të ndodhë pasi jo vetëm është një imazh i keq për qytetin, por krijohet edhe një ndotje e madhe.
Me një situatë të tillë përballen edhe frekuentuesit e ujërave termale të qytetit të Peshkopisë. Por një problem është edhe ndërgjegjësimi qytetar pasi edhe pse aty ndodhen 2 kontenier të vendosur nga bashkia, siduket nuk janë shfrytëzuar aspak.
Një panoramë e ngjashme shihet në të gjithë territorin përreth qytetit të Peshkopisë, duke krijuar një imazh të keq për të gjithë ata që e vizitojnë këtë qytet.
Rrethinat e Peshkopisë përmbyten nga mbeturinat. Asnjë masë nga pushteti lokal
Rruga e dëmtuar e lagjes “Fejre e Madhe” në Baz
Gjendja e rrugëve rurale në Mat përkeqësohet shumë sa herë ka reshje shiu. Një situatë e ngjashme është krijuar edhe me rrugën e lagjes “Fajre e Madhe” në Njësinë Administrative Baz.
Reshjet e shirave të rënda ditët e fundit kanë nxjerrë në pah këtë problematikë. Siç shihet edhe nga pamjet, rruga është e gjitha me gropa të mëdha ku janë krijuar pellgje uji.
Vetë banorët thonë se ndërhyrja nga ana e bashkisë nuk është bërë ashtu siç duhet për shkak se nuk janë hapur kanalet kulluese anësore çka ka sjellë edhe dëmtimin e rrugës:
Nga ana tjetër banorët kërkojnë që të ndërhyhet sa më parë, pasi kalimi i mjeteve në këtë rrugë është shumë i vështirë sidomos kur ka reshje shirash.
Stadiumi “Liri Ballabani” i Burrelit, në gjendje të mjerueshme dhe i harruar totalisht
Në Shqipëri shumë pak investohet nga bashkitë në skuadrat e futbollit, ndërsa për infrastrukturën as aq nuk bëhet fjalë. Të paktën, po të shohësh stadiumet shqiptarë habitesh me gjendjen e tyre kaotike.
Disa janë pa tualete, e disa të tjerë pa dyer e xhama. Një nga klubet që ka përjetuar krizë financiare të shpeshtë në vitet e fundit është edhe skuadra e Burrelit. Matjanët, kanë vuajtur shumë, ndërsa lojtarë shpesh kanë bojkotuar seancat stërvitore, e madje 2-3 herë edhe këtë sezon.
Por, ajo që të habit është tribuna e stadiumit “Liri Ballabani”. Të vjen vërtetë keq ta shohwsh, ndërsa kushtet e mjerimit në të cilat ndodhen është për të vënë duart në kokë. Pa thënë se edhe mbulesa e saj duket sikur e kanë shqyer! Ndërsa askush nga bashkia që ka për detyrë dhe ka në administrim impiantin sportiv nuk kujtohet as me një rikonstruksion modest…
(Shkrim i marrë nga Vipsport.al)
Rikthehen grabitjet spektakolare në Rinas. Dyshohet për viktima
Një ngjarje e rëndë ka ndodhur në ditën e sotme në afërsi të Rinasit. Disa persona kanë grabitur një autoblind e cila transportonte vlera monetare.
Paraprakisht dyshohet se ka një të vdekur, por nuk dihen ende rrethanat e qarta të precipitimit të ngjarjes.
Ndërkohë mësohet se nga kjo pritë grabitësit kanë arritur të marrin një sasi parash prej 2 milion eurosh.
Një mjet i cili po transportonte para është grabitur në Rinas, ndërkohë mësohet se mjeti të cilin kanë përdorur grabitësit mbante mbishkrimin e Hetimit Tatimor.
Makina me të cilën është kryer grabitja ka qenë një furgon i bardhë pa targa ndërsa personat kanë qenë të veshur me uniformë ushtarake..
Ngjarja ka ndodhur në rrugën e Rinasit dhe dyshohet se autorët janë larguar në drejtim të Fushë-Krujës.
Burime bëjnë me dije se paratë do transportoheshin jashtë vendit ndërkohë Policia ka ngritur post-blloqe në të gjithë kryqëzimet kyçe.
Në vendngjarje kanë shkuar prokurorët e Prokurorisë Krimeve të Rënda si dhe forca të shumta të FNSH-së dhe RENEA-s.
Frekuentusë gjithmonë e me të paktë në llixhat e Peshkopisë, shkak mungesa investimeve
Frekuentuesit e llixhave në qytetin e Peshkopisë ankohen për kushte jo të përshtatshme të ambjenteve ku qëndrojnë në ujërat termale. Sipas tyre, ka shumë nevojë që të investohet qoftë në vaskat e qëndrimit, e qoftë në ambjente të tjera. Ata thonë se gjendja e godinave dhe vaskave sa vjen e amortizohet, pasi nuk bëhet asnjë ndërhyrje.
Në këto kushte, mësohet se numri i atyre që i frekuentojnë këto ujëra termale, sa vjen e zvogëlohet çdo ditë e më shumë. Megjithëse në Peshkopi shkojnë jo vetëm nga e gjithë Shqipëria, por edhe Kosova, tendenca e frekuentuesve është në ulje për shkak të amortizimit të ambjenteve ku duhet të qëndrojnë në ujërat termale.
Situatën shqetësuesese e tregojnë edhe pronarët e hoteleve përreth të cilët ofrojnë akomodimin e frekuentuesve të llixhave. Ata shprehen se numri i rezervimeve ka rënë në 40% më pak se e njëjta periudhë e vitit të kaluar.
Pronarët e bizneseve thonë se edhe pse paguajnë të gjitha detyrimet ndaj Bashkisë Dibër dhe shtetit, këta të fundit nuk investojnë në godina apo vaska të ujërave termale. Në këto kushte, sipas tyre, tendenca e atyre personave që kanë nevojë për trajtim me ujëra termale, po i drejtohen vendeve të tjera si Elbasanit dhe Fushë Krujës.
Pak muaj më parë ujërat termale të Peshkopisë u tentua t’i jepeshin një private, ndërsa ishte këmbëngulja e qytetarëve që bëri anullimin e vendimit të Këshillit të Basenit të ujërave Drin-Bunë me seli në Shkodër.
Dibër/. Arrestohet hakeri që ishte në kërkim nga Gjermania
Deklarata e zyrës për shtyp të Policisë Vendore Qarku Dibër:
Kapet dhe arrestohet një shtetas me qëllim ekstradimi në Gjermani
Nga Specialistët për Hetimin e Krimit në Drejtorinë Vendore të Policisë Dibër në bashkëpunim me Komisariatin e Policisë Kufitare Bllatë dhe Interpol Tirana u bë arrestimi i përkohshëm, i shtetasit B. C., 34 vjeç, banues në Maqedoninë e Veriut.
Ky shtetas ishte i shpallur në kërkim ndërkombëtar nga Interpol Wiesbadeni/Gjermani pasi Gjykata e Aachen Gjermani, me datë 22.03.2013, ka lëshuar urdhërin e arrestit për shtetasin B. C., për veprat penale “Vjedhje ” dhe “Mashtrim kompjuterik”
Materialet hetimore do ti kalojnë Prokurorisë Pranë Gjykatës së Shkallës së Parë Dibër për veprime të mëtejshme.
Terror i policisë ndaj banorëve të Bregut të Lumit, disa të plagosur
Skena në kufijë të të pabesueshmes janë ato që banorët e Bregut të Lumit kanë përjetuar në orët e para të mëngjesit. Qendimi i tyre në ditën e djeshme kundër policisë ku shum nga efektivët u sulmuan, ka bërë që kta të fundit të realizojnë një aksion për të arrestuar shumicën e banorëve që banojn aty. Kësaj rradhe ndërhyrja e policisë ka qënë brutale duke lënë disa nga banorët të plagosur. Gjithashtu policia ka përdor edhe gaz lotjsjellës për të shmangur çdo kundërpërgjigje të banorëve.
Kujtojmë se banorët e Bregut të Lumit kanë kërkuar dëmshpërblim për shembjen e banesave dhe janë shprehur se nuk janë kundër rrugës së planifikuar aty.
Shkrimtarja e njohur Flutura Açka zhvillon takim në Mat
Pas takimit të zhvilluar me ftestë të Klubit Letrar “Pjetër Budi”, Mat, shkrimtarja e mirënjohur Flutura Açka zhvilloi një takim edhe me drejtues e frekuentues të Bibliotekës Mat. Takimin e mbajtur në natyrë, e hapi Përgjegjëesja e Bibliotekës Mat, Fiqirete Kurti e cila tha se veprat e Açkës kanë tërhequr mjaft lexues dhe se me praninë e saj, pritet të shtohen akoma edhe më shumë.
Takimi u zhvillua në formë bashkëbisedimi mes nxënësve dhe shkrimtares Açka. Veç interpretimeve të poezive të saj, ata i drejtuan edhe pyetje të cilat morën përgjigje nga autorja e dhjetra botimeve në prozë dhe poezi.
E pyetur nëse gazetaria i ka shërbyer për tu futur në rrugën e krijimtarisë, shkrimtarja Flutura Açka tha se ka qenë një ndihmesë e madhe. Duke përfunduar fjalën e saj, Açka tha se tashmë lexuesit matjan, do të gjejnë kopje të botimeve të saj në Bibliotekën e Matit.
AKK kërkon përfaqësim 50% në Këshillat Bashkiak
Aleanca Kombëtare e Këshilltareve ka nisur një fushatë publike para zgjedhjeve lokale në vendin tonë. Kjo aleancë e krijuar një vit më parë ka përfaqësi në 35 bashki të vendit.
Këtë të hënë Aleanca Kombëtare e Këshilltareve, të Bashkive Mat e Klos, dolën në një deklaratë për mediat me thirrjen e tyre publike drejtuar KQZ, partive politike dhe qytetarëve.
Ata kërkojnë përfaqësim të grave në masën 50% të Këshillave Bashkiak si dhe zgjedhjen e tyre në pozicionet drejtuese të këtij organi.
“Tragjedia e Bulqizës”. Banorët i druhen ripërsëritjes
Tragjedia e të premtes së kaluar në fshatin Koçaj të Fushë-Bulqizës ku humbi jetën një djalë 11 vjeç dhe u plagos rëndë motra e tij 9 vjeçe, ka sjellë edhe reagimin e banorëve të këtij fshati.
Sipas tyre një histori e ngjashme ka ndodhur në këtë fshat edhe 20 vite më parë, ku katër fëmijë po luanin kur kanë rënë në kontakt me granata, e për pasojë 2 prej tyre kanë humbur jetën. Banorët kërkojnë me ngulm që Ministria e Mbrojtjes nëpërmjet specialistëve të saj të kontrollojë gjithë zonën, pasi dyshohet se armatime të tilla të ketë ende, në zone.
Të shtunën rreth orës 16:00 të fëmijë të familjes Çupi të moshës 11 dhe 9 vjeç ranë në kontakt me një granatë e cila shpërtheu dhe i mori jetën në vend, djalit 11 vjeç si dhe plagosi motrën e tij vetëm 9 vjeçe. Sakaq, mësohet se në vendin e ngjarjes janë gjetur edhe tre granata të pashpërthyera nga grupi hetimor.