Kryetari i Bashkimit Demokratik për Integrim (BDI) Ali Ahmeti ka dhënë një intervistë për herë të parë për “Mat Televizion”, duke prekur një sërë çështjesh që lidhin shqiptarët në të dy shtetet. Kreu i BDI tha se shqiptarët e Maqedonisë së Veriut janë “me sytë” nga Shqipëria. Më tej Ahmeti tha se është punuar shumë që shqiptarët të jenë faktor atje ku jetojnë, por mbështetja e shtetit amë është shumë e nevojshme dhe e rëndësishme.
I pyetur për arrestimin e kryebashkiakut të Tiranës Erion Veliaj nga SPAK, Ahmeti tha se është drejtësia ajo e cila do të vërtetojë nëse ka shpërdoruar detyrën dhe është përfshirë në akte korruptive, apo jo.