Deputeti Adriatik Alimadhi, ka bërë një deklaratë të fortë pasditen e sotme, teksa ka qenë duke folur për gjendjen e tij shëndetësore dhe infektimin me koronavirus.
Alimadhi tha se virusin e pagoi shtrenjtë, ndërsa pretendon se në Kuvend ka pasur edhe deputetë të tjerë që janë infektuar me Covid-19.
“Ditët e para i kalova në shtëpi pasi mendova se ishte grip, por pastaj fillova të rëndohesha dhe të kisha bllokim frymëmarrje dhe më çuan me urgjencë në spital. Nga urgjenca më pas u shtrova pasi rezultova me Covid, mu bë tamponi e më pas skaneri. Edhe sot ka njerëz që më ndalojnë dhe më pyesin, ore vërtet e kalove Covid-in ti?” Besoj se ka pasur edhe deputetë të tjerë me covid të prekur dhe një pjesë e mirë e shqiptarëve mund ta kenë kaluar në këmbë. Mendoj se ka pasur një statistikë më të madhe me numrin e të prekurve, por varet si të kap sëmundja, mua më kapi kështu dhe e pagova më shtrenjtë”, theksoi politikani.
