POLITIKE

Zyrtarizohet kandidatura e PS për Bashkinë Mat.

Kryetari aktual i këshillit bashkiak Altin Bojni do të garojë me 9 Nëntor të zgjidhet kreu i ri i Bashkisë së Matit. Në një mbledhje të zgjeruar të Asamblesë së Partisë Socialiste në Mat, strukturat drejtuese analizuan rezultatet e zgjedhjeve të 11 majit dhe hodhën hapat e parë drejt organizimit për zgjedhjet e reja lokale të 9 nëntorit 2025. Takimi kishte dy qëllime kryesore: Analizën e detajuar të rezultateve të zgjedhjeve të fundit politike dhe ngritjen e strategjisë dhe strukturave për fitoren në zgjedhjet lokale të nëntorit. Kryetari i PS Mat, Hasan Pasha prezantoi një panoramë të qartë të arritjeve dhe sfidave të hasura gjatë fushatës së fundit. Edhe pse Partia Socialiste siguroi një rezultat të konsiderueshëm me 60% të votave kundrejt 36% të Partisë Demokratike, Pasha theksoi se ekzistonte potenciali për një fitore edhe më të thellë. Ai vlerësoi kontributin e organizatave dhe të deleguarve që punuan me përkushtim në terren. Deputeti Agron Malaj vlerësoi rolin e strukturave të konsoliduara të PS në Mat dhe ndikimin e investimeve qeveritare në forcimin e mbështetjes së fuqishme. “Thellimi i fitores është rezultat i punës së bërë dhe investimeve të jashtëzakonshme që qeveria Rama ka realizuar në këtë zonë,” u shpreh ai, duke shtuar se uniteti i strukturës vendore është çelësi për një rezultat edhe më të mirë në nëntor. Sekretari i Përgjithshëm i PS-së dhe drejtuesi politik për Qarkun Dibër, Blendi Klosi, deklaroi se fushata për zgjedhjet lokale ka nisur realisht që me përfshirjen e Agron Malajt në listën e hapur të deputetëve të qarkut. Ai theksoi rëndësinë e vazhdimësisë në përmirësimin e jetës së qytetarëve dhe angazhimin e plotë të partisë në këtë drejtim. “Fushata ka nisur në strukturat tona. Do të punojmë me të njëjtin përkushtim, me qëllim që të thellojmë edhe më tej rezultatin e 11 majit. PS në Mat është një strukturë e fortë, me bashkëpunim të ngushtë mes deputetëve, kryetarit të bashkisë dhe partisë. Ne duam që në këto zgjedhje të arrijmë një rezultat edhe më të mirë se në vitin 2023,” u shpreh Klosi. Në përmbyllje të fjalës së tij, Klosi shpalli zyrtarisht kandidatin e PS për Bashkinë Mat: Altin Bojni, aktualisht kryetar i Këshillit Bashkiak dhe drejtor i NJVKSH Mat. Bojni, i diplomuar në ekonomi u prezantua si një figurë e re me vizion dhe lidhje të forta me Partinë Socialiste. (Burimi Tirana news)

E rëndë në Bulqizë, babai plagos me thikë djalin, arrestohet nga policia

E rëndë në Bulqizë, babai plagos me thikë djalin, arrestohet nga policia Rreth orës 23:00, të datës 29 janar 2026, në fshatin Ostren, dyshohet se pas një konflikti të çastit, për motive të dobëta, shtetasi B.N., 58 vjeç, brenda banesës, ka plagosur me mjet prerës (thikë) djalin e

Prishja e konsensusit/ Propozimi i PS për ‘Territorialen’, ndryshon formula e komisionit

Socialistët iu përmbajtën paralajmërimeve të tyre. Zyrtarisht ata kërkojnë ndryshmin e formatit të Komisionit për Reformën Administartivo Territoriale. Socialistët në ndryshimet që kanë propzuara, marrin shumicën e anëtarëve, nga 8 deputetë aktualisht, e cojnë në 9, çka prish barazinë mazhorancë-opozitë. Në dokumentin që do të duhet të marr miratim në

Dëmtimet në tunelin e Murrizit, shkak punimet në tunelin e emergjencës?!

Tuneli i Murrizit një ndër veprat më të mëdha në rrugën e Arbrit që lidh Qarkun Dibër me kryeqytetin ka qenë vazhdimisht në qendër të kritikave për sigurinë dhe qëndrueshmërinë e tij. Ndërkohë, në afërsi të mesit të tunelit janë konstatuar dëmtime të anës lindore të tij, kryesisht në plasaritje

Read next