Vritet në mënyrë të mistershme kërkuesi që raportohet se kishte gjetur të dhëna kundër koronavirusit
Një kërkues i njohur i Universitetit të Pittsburgh, i cili ishte pranë zbulimit “të disa të dhënave të rëndësishme” në lidhje me koronavirusin, u gjet i vrarë në banesën e tij.
37-vjeçari Bing Liu, ishte vetëm në banesën e tij në Elm Curt në Ross Township, kur një person i identifikuar si Hao Gu hyri brenda pasi e gjeti derën hapur dhe e qëlloi me armë zjarri.
Doktori Liu mori plumba në kokë, qafë dhe gjoks dhe për shkak të këtyre plagëve ndërroi menjëherë jetë. Gruaja e tij nuk ishte në banesë në momentin e ngjarjes. Policia raporton se 100 metra nga vendngjarja gjeti trupin e pajetë të autorit Gu, i cili dyshohet të jetë vetëvrarë në makinë.
Sipas policisë Liu dhe Gu e njihnin njëri-tjetrin përpara ngjarjes, por nuk bëhet me dije natyra e marrëdhënies së tyre.
Asgjë nuk raportohet e humbur nga banesa e Liu, i cili punonte si asistent profesor në departamentin e Kërkimeve Biologjike në Universistetin e Pittsburgh.
