Një qytetar nga Dibra ka kallëzuar në polici për një vjedhje në banesën e tij. Qytetari me iniciale B.K., shprehet se gjatë kohës që nuk ishte në shtëpi, ka konstatuar se i është vjedhur një shumë parash. Policia njofton se po punon për kapjen e autorit ose autorëve.
Janë shoqëruar në Komisariat disa persona dhe në bashkëpunim me Prokurorinë, vijon puna për zbardhjen dhe dokumentimin e këtij rasti.
Por ky nuk është rasti i parë që ndodhin të tilla vjedhje banesash në qarkun e Dibrës. Më së shumti pre e grabitjeve bien ato banesa-vilat që qëndrojnë të kyçura, pasi vetë pronarët e tyre qëndrojnë jashtë shtetit.
Një kategori tjetër e familjeve që bien pre e grabitjes janë ato vetëm me të moshuar. Vjedhjet janë shtuar edhe tek bagëtitë, ku hajdutët shfrytëzojnë largimin e të rinjve në emigracion, duke ua bërë më të lehtë grabitjet.
Policia e shtetit po punon për zbardhjen e ngjarjeve dhe arrestimin e personave të dyshuar që merren me grabitje.
