AKTUALITET

(VIDEO)Zjarret vijojnë të jenë aktive në Bulqizë, sfida kryesore terreni i vështirë

Për gjashtë ditë rresht, dy vatra zjarri vazhdojnë të mbeten aktive në bashkinë e Bulqizës, njëra në Liqenin e Zi dhe tjetra në Valën e Martaneshit. Pavarësisht angazhimit të madh të forcave, përfshirë punonjës nga bashkia, shërbimi pyjor, zjarrfikësit, Agjencia Kombëtare e Zonave të Mbrojtura, banorët e zonës dhe helikopteri i Ministrisë së Mbrojtjes, flakët ende nuk janë shuar plotësisht. Punonjësit e bashkisë dhe të zonave të mbrojtura po monitorojnë me kujdes situatën, me qëllim që zjarri të mos përhapet drejt pyjeve të larta. Ajo që e bën situatën veçanërisht të vështirë është terreni i thepisur, i cili e bën të pamundur ndërhyrjen nga toka me mjete zjarrfikëse dhe lëvizjen në këmbë. Madje, edhe ndërhyrja nga ajri është tepër e komplikuar. Vatra më intensive ndodhet në Valën e Martaneshit, ku po digjen masive shkurresh. Zjarri rrezikon disa banesa në luginën e Valit dhe po përhapet me shpejtësi për shkak të temperaturave të larta dhe erës. Banorët e zonës kërkojnë masa të menjëhershme për izolimin e flakëve. Për momentin, shpresa e vetme për shuarjen e zjarrit mbeten reshjet e shiut, të cilat do të ndihmonin në frenimin e shpërhapjes së tij. Policia ka nisur hetimet për të zbuluar shkaqet e rënies së zjarrit. Ndërkohë, vatra të tjera janë raportuar edhe në zona të tjera të Qarkut të Dibrës, si Lura në bashkinë e Dibrës, Zall-Gjocaj në bashkinë Mat dhe Plan i Bardhë e Mali i Allushit në bashkinë Klos. Vatra zjarri janë regjistruar gjithashtu në Ternovë dhe Shupenzë në bashkinë Bulqizë.

E rëndë në Bulqizë, babai plagos me thikë djalin, arrestohet nga policia

E rëndë në Bulqizë, babai plagos me thikë djalin, arrestohet nga policia Rreth orës 23:00, të datës 29 janar 2026, në fshatin Ostren, dyshohet se pas një konflikti të çastit, për motive të dobëta, shtetasi B.N., 58 vjeç, brenda banesës, ka plagosur me mjet prerës (thikë) djalin e

Prishja e konsensusit/ Propozimi i PS për ‘Territorialen’, ndryshon formula e komisionit

Socialistët iu përmbajtën paralajmërimeve të tyre. Zyrtarisht ata kërkojnë ndryshmin e formatit të Komisionit për Reformën Administartivo Territoriale. Socialistët në ndryshimet që kanë propzuara, marrin shumicën e anëtarëve, nga 8 deputetë aktualisht, e cojnë në 9, çka prish barazinë mazhorancë-opozitë. Në dokumentin që do të duhet të marr miratim në

Dëmtimet në tunelin e Murrizit, shkak punimet në tunelin e emergjencës?!

Tuneli i Murrizit një ndër veprat më të mëdha në rrugën e Arbrit që lidh Qarkun Dibër me kryeqytetin ka qenë vazhdimisht në qendër të kritikave për sigurinë dhe qëndrueshmërinë e tij. Ndërkohë, në afërsi të mesit të tunelit janë konstatuar dëmtime të anës lindore të tij, kryesisht në plasaritje

Read next