AKTUALITET

(VIDEO)Rrëmbimi dhe vrasja e Renis Dobrës, zbardhet dëshmia e dy autorëve të dyshuar, nuk pranojnë krimin

Pas arrestimit të mërkurën në një fshat të Kukësit, një nga autorët e dyshuar të vrasjes së 23-vjeçarit Renis Dobra nga fshati Zenisht i Matit, Petrit Çakrri ka dhënë dëshminë e tij të parë përpara hetuesve. Në deklarimin që gjendet në dosjen hetimore, Çakrri pranon se në kohën e ngjarjes ka qenë në zonën e Matit, por që sipas tij nuk kishte dijeni për çështjen e Dobrës. “Unë nuk e njihja personalisht viktimën dhe nuk kam asnjë lidhje me ngjarjen. E mora vesh pastaj se çfarë kishte ndodhur. Kristi Bushgjokajn e kam njohur në burg, ndërsa vëllezërit e tij i kam njohur më pas. Atë ditë kemi dalë për të siguruar një sasi droge nëpër fshatra. Rrugës jemi ndarë në dy makina. Vëllezërit Bushgjokaj hipën në një makinë tjetër dhe mua më kërkuan që të largohem. Nuk e di çfarë ka ndodhur më pas”, mësohet të jetë shprehur Çakrri para grupit hetimor. Deklarimet e Petrit Çakrrit përputhen edhe me lëvizjen e automjeteve të identifikuara nëpërmjet kamerave të sigurisë. I arrestuari tjetër për ngjarjen, Fation Bushgjokaj ka dhënë pak deklarime para grupit hetimor, teksa mësohet se ka pranuar njohjen me 23-vjeçarin Renis Dobra në Gjermani. Ai thotë se kanë bërë punë të paligjshme, por nuk ka dhënë detaje rreth konfliktit të tyre. Të shpallur në kërkim për këtë ngjarje janë edhe dy vëllezërit e Fatjonit, Kristi e Aleksandër Bushgjokaj, të cilët dyshohet se janë larguar jashtë vendit nëpërmjet kufirit me Kosovën. Mbrëmjen e 8 korrikut, Renis Dobra u rrëmbye pak metra larg banesës së tij në fshatin Zenisht të Matit. Dyshohet se tre vëllezërit Bushgjokaj dhe Petrit Çakrri e dhunuan barbarisht të riun matjan dhe e hodhën bashkë me automjetin e tij në liqenin e Shkopetit, por trupi i pajetë mbeti pak metra larg ujit. Sipas policisë shkak për këtë vrasje barbare dyshohet të jenë çështjet e pambyllura të llogarive për tregtimin e drogës, gjatë kohës që Dobra kishte qenë në Gjermani.

Dëmtimet në tunelin e Murrizit, shkak punimet në tunelin e emergjencës?!

Tuneli i Murrizit një ndër veprat më të mëdha në rrugën e Arbrit që lidh Qarkun Dibër me kryeqytetin ka qenë vazhdimisht në qendër të kritikave për sigurinë dhe qëndrueshmërinë e tij. Ndërkohë, në afërsi të mesit të tunelit janë konstatuar dëmtime të anës lindore të tij, kryesisht në plasaritje

Nisi ndërtimin tre vite më parë, por ujësjellësi ende nuk ka përfunduar

Një projekt i Agjencisë Komëbatë të Ujësjellës – Kanalizimeve dhe Infrastrukturës së Mbetjeve, përfshinte ndërtimin e ujësjellësit rajonal nga burimet e “përroit të lopës” dhe burimet e “Ketës” për fshatrat Fullqet, Dars, Unjate, Bel, Kloskatund, Plan i Bardhë, Shëngjun dhe fshati Fshat. Por për banorët e këtij të fundit, ende në

Sot dhe nesër priten reshje intensive shiu, Agjencia Kombëtare e Mbrojtjes Civile thirrje institucioneve përgjegjëse për gatishmëri

Macionet e #IGJEO dhe #SHMU, gjatë pasdites së sotme dhe ditës së nesërme priten reshje në disa qarqe të vendit, lokalisht intensive dhe të shoqëruara me shtrëngata. Agjencia Kombëtare e Mbrojtjes Civile kërkon rritje e vëmendjes dhe gatishmërisë nga strukturat e Mbrojtjes Civile dhe institucionet përgjegjëse në nivel vendor dhe

Read next