MAT

(VIDEO)Futboll / Hidhet shorti i kategorisë së parë, mësohet kundërshtari i javës së parë për Burrelin

Vetëm një muaj na ndan nga fillimi i sezonit të ri futbollistik 2025 – 2026 për kampionatin e kategorisë së parë. Federata Shqiptare e Futbollit nëpërmjet departamentit të garave ka hedhur shortin për përballjet e para të këtij sezoni. Të pranishëm në hedhjen e shortit ishin përfaqësuesit e 12 klubeve pjesëmarrëse të këtij edicioni, të cilët kanë mësuar nga goglat e hedhura kundërshtarët që do të kenë përballë gjatë këtij edicioni. Në këtë edicion të ri, që do të ngrejë siparin më 23 gusht 2025 dhe është planifikuar të mbyllet më 2 maj 2026 do të marrin pjesë 12 skuadra që do të garojnë në tre faza dhe do të luhen në total 33 javë. Në kampionatin e ‘Kategorisë së Parë’ do të marrin pjesë këto ekipe: Skënderbeu, Burreli, Iliria, Laçi, Kukësi, Apolonia, Luftëtari, Korabi, Besa, Kastrioti, Pogradeci dhe Lushnja. Ekipi ynë i futbollit do ta nisë këtë kampionat me ndeshje në transfertë ku do të luajë me 23 Gusht në Korçë përballë ekipit të Skënderbeut. Ndërsa në javën e dytë ekipi i “Burrelit” do të presë në “Liri Ballabani” ekipin e Kukësit. Tashmë ekipet kanë vetëm një muaj kohë për të zyrtarizuar lojtarët me të cilët do të përfaqësohen në sezonin e ri 2025 – 2026. Trajneri i ekipit “Burreli”, Samuel Nikaj, i rikthyer pas disa vitesh në drejtim të skuadrës matjane, u shpreh pak ditë më parë se janë afruar shumë lojtarë pranë “Burrelit”, mes tyre edhe cilësorë që janë premtues. Megjithatë, sipas numrit një të pankinës matjane, merkatoja e verës vijon dhe se përzgjedhjet e lojtarëve do të bëhen të studiuara në mënyrë graduale.

E rëndë në Bulqizë, babai plagos me thikë djalin, arrestohet nga policia

E rëndë në Bulqizë, babai plagos me thikë djalin, arrestohet nga policia Rreth orës 23:00, të datës 29 janar 2026, në fshatin Ostren, dyshohet se pas një konflikti të çastit, për motive të dobëta, shtetasi B.N., 58 vjeç, brenda banesës, ka plagosur me mjet prerës (thikë) djalin e

Prishja e konsensusit/ Propozimi i PS për ‘Territorialen’, ndryshon formula e komisionit

Socialistët iu përmbajtën paralajmërimeve të tyre. Zyrtarisht ata kërkojnë ndryshmin e formatit të Komisionit për Reformën Administartivo Territoriale. Socialistët në ndryshimet që kanë propzuara, marrin shumicën e anëtarëve, nga 8 deputetë aktualisht, e cojnë në 9, çka prish barazinë mazhorancë-opozitë. Në dokumentin që do të duhet të marr miratim në

Dëmtimet në tunelin e Murrizit, shkak punimet në tunelin e emergjencës?!

Tuneli i Murrizit një ndër veprat më të mëdha në rrugën e Arbrit që lidh Qarkun Dibër me kryeqytetin ka qenë vazhdimisht në qendër të kritikave për sigurinë dhe qëndrueshmërinë e tij. Ndërkohë, në afërsi të mesit të tunelit janë konstatuar dëmtime të anës lindore të tij, kryesisht në plasaritje

Read next