Trump: Po shqyrtoj mundësinë e zvogëlimit të operacionit në Iran

Donald Trump ka deklaruar se Shtetet e Bashkuara janë shumë pranë arritjes së objektivave të tyre strategjikë në konfliktin me Iranin, duke lënë të kuptohet se mund të nisë një fazë e re me reduktim të pranisë ushtarake në rajon. Në një postim të gjatë në platformën Truth Social, Trump theksoi se administrata amerikane po shqyrton zvogëlimin e “përpjekjeve masive ushtarake në Lindjen e Mesme kundër regjimit terrorist të Iranit”. Ai renditi pesë objektiva kryesorë që, sipas tij, janë drejt përmbushjes: -Degradimi i plotë i aftësive raketore të Iranit dhe sistemeve të tyre të shpërndarjes -Shkatërrimi i industrisë mbrojtëse iraniane -Eliminimi i forcave detare dhe ajrore, përfshirë sistemet kundërajrore -Parandalimi absolut i zhvillimit të armëve bërthamore nga Irani -Mbrojtja e aleatëve të SHBA në rajon, përfshirë Izraelin, Arabinë Saudite, Katarin, Emiratet e Bashkuara Arabe, Bahreinin dhe Kuvajtin