Të paktën dy persona janë vrarë dhe disa të tjerë janë plagosur në një sulm terrorist në një kishë të Nisës, në Francë.
Sulmi ka ndodhur rreth orës 09:00 të ditës së sotme.
Policia, sipas mediave lokale, ka arritur që të arrestojë autorin e masakrës.
Ky sulm vjen pasi një 18-vjeçar pakistanez plagosi me thikë dy persona jashtë zyrave të revistës satirike “Charlie Hebdo”, me të riun që pranoi se kreu sulmin për karikaturat e Profetit Muhamed.
Ndërsa në fillim të këtij muaji, një profesori historie francez, Samuel Paty, iu pre koka në Paris për të njëjtat karikatura.
