Kjo është pamja dhe gjendja me të cilën duhet të përballen sa herë kalojnë të gjithë ata që lëvizin në drejtim të Martaneshit.
Për qindra drejtues mjetesh, rruga nga Qafa e Buallit deri në Krastë të Martaneshit është kthyer në një makth të vërtetë prej disa muajsh. Në këtë rrugë nuk është investuar apo ndërhyrë që kur firmës mirëmbajtëse i përfundoi kontrata në Korrik të vitit të kaluar. Gropat e mëdha janë prezente në të gjithë rrugën, ndërsa drejtuesit e mjeteve mundohen të zgjedhin pjesën më të mirë për të kaluar, ndonëse në disa raste bëhen burim aksidentesh. Më problematike situata paraqitet për drejtuesit e mjeteve të vogëla. ata shprehen se në këtë rrugë nuk po ndihet dora e institucioneve sidomos në këtë periudhë pasi problemet janë më të mëdha për shkak të shirave apo reshjeve të dëborës.
Nga ana tjetër drejtuesit e mjeteve kërkojnë që shteti të ndërhyjë dhe të zgjidhë problemin e kësaj rruge, pasi në këtë gjendje që është, mund të ndodhë ndonjë tragjedi, pasi nuk ka asnjë siguri lëvizja në të.